Вегетативтік немесе автономдық жүйке жүйесі - тамырлар мүшелері жүйелерінің (қанайналым, лимфаайналым, қан жасау мүшелер жүйелері), сыртқы және ішкі секреция бездерінің, бірыңғай салалы ет ұлпасының қызметтерін реттейтін жүйке жүйесінің бөлімі. Яғни осы біздің барлық ішкі ағзалар жұмысын реттеп отырады. Мысалы жүрек соғу, ас қорыту, бүйректің қанды сүзіп зәр шығаруы бәрі автономды. Вегетативті жүйке жүйесі атқаратын қызметіне қарай екіге бөлінеді: симпатикалық және парасимпатикалық.
