ІІІ . «Жанды су, Жайық –айбарлым» Жайық өзенінің тарихы (12 сағат)
Жайық – Ресей Федерациясы (Башқұртстан, Челябі, Орынбор облыстары) мен Қазақстан Республикасы (Атырау, Батыс Қазақстан облыстары) жеріндегі өзен. Өзен Еуропа мен Азия дүние бөліктерін бөлуші Орал тауларынан бірге шекара болып есептеледі. Жалпы ұзындығы 2428 км, су жиналатын алабының ауданы 237 мың км2, Қазақстан жеріндегі ұзындығы 1084 км. Тарихқа көз салсақ, Жайық өзеніне қатысты қызықты деректерді аз кездестірмейміз. Халық ауыз әдебиетінен ойып тұрып орын алатын «Қыз Жібек» лиро-эпостық жырында, Ақжайыққа қарап өскен ерлердің бірегейі Махамбет пен Исатай батырларп десек артық айтқанымыз емес. Күй атасы Құрманғазының да көп күйі Жайықтың жағасында шыққан. Италияның әйгілі саяхатшысы Марко Поло Жайықтан өтіп, күллі Еуропа жұртына Азия әлемін таныстырған. Тарихи деректерге сүйенсек, Ақ Жайықтың мөлдір суымен Александр Македонский шөлін қандарса, өзеннің құмды аймағынан шығып жатқан қара майды көріп адамзаттың бірінші ұстазы Аристотель таңқалған.
