В.Оствальд постулаты: «Екінші реттік мәңгілік двигатель жасау мүмкін емес»
Екінші реттік мәңгілік двигатель деп қоршаған ортадан жылуды сіңіріп қана жұмыс жасайтын машина(жылудың бір бөлігін салқындатқышқа бермей). Мұндай машинаның жұмысы кезінде энергияның сақталу заңы бұзылмайды, бірақ мұндай машина жасау мүмкін болмайды.
Жылу машинасының ең үлкен пайдалы әсер коэффициенті тек жылу көзі мен суытқыш температураларына тәуелді (Карно-Клаузиус теоремасы).
Табиғатта өз еркімен жүретін процестерді өздігінен жүретін немесе табиғи процестер деп атайды. Жүруі үшін энергия жұмсалуын талап ететін процестерді өздігінен жүрмейтін процестер дейді.
Кез келген термодинамикалық система үшін, оның тұрған жағдайында термодинамикалық процестердің бағытын және өздігінен жүруінің шегін сипаттайтын жалпы критерийі (шарты) болуы қажет. Мысалы, оқшауланған системалар үшін мұндай критерий ретінде энтропия деп аталатын термодинамикалық функция алынады
