Төменгі кеуде және бел омыртқалар сынығын емдеу Омыртқасы сынды-ау деген науқасқа бірінші көмек көрсетерде
омыртқаның қозғалысы, әсіресе оның бүгілуі, омыртқа және жұлын зақымын
үдете түсетінін есте ұстаған жөн. Ондай аурулар арнаулы қалқанда немесе
қолдан істелген, омыртқа бүгілмейтін қатты затта тасымалдануы керек.
Омыртқа сынығын консервативті емдеудің көп тәсілдерінің ішінен
артынан сауыт киілетін бір моментті репозиция, функциональді тәсіл және
артынан сауыт кигізілетін біртіндеп репозициялап қайта орнына салу
тәсілдері кең таралған.
Бір ретті репозиция (қайта салу) - аздаған сына тәрізді компрессияда
(сынық - омыртқа денесінің жарты биіктігіндей және одан жоғары жағдайда)
көрсетіледі, оның артынан сауыт кигізіледі.
