М.ғ.к. Ш.М. Мукашеваның тізе тобығы (тәж) сүйегі сынуын капрон жіппен «П-тәрізді» өткізілген кисеттік екі тігіс салу операциясы Мұнда да жоғарыдағыдай тіліп тізе буынын ашады. Тізе буынын ұйыған
қаннан тазартып жуады. Ұсақ сүйек сынықтарын алып тастайды. Сүйек
бөліктерін жараға шығарып, оларды орнына салады. Осы қалыпта тізе
тобығын айналдыра орамды тігіс капрон жіп ұштарының біреуін астынан
үстіне қарай өткізіп орамды тігіс салады да тізе тобығының жоғарғы
бөлігінің ұшынан байлайды.
Екінші жіпті тізе тобығының үстінен айналдыра төмен қарай өткізіп, тізе
тобығының астынан байлайды. Жіптің артық бос ұшын тобықтың меншікті
байламы бойымен жоғарыдан төмен қарай асықты жіліктің бұдырына дейін
өткізеді. Бұдырдан бізбен көлденең тесік жасап осы тесіктен жіп ұшын
өткізіп оны тартып байлайды. Тізе буыны 150˚ бүгулі қалыпта болады.
Екі жағдайда да бірінші тігіс бейімдеуші, бекітуші, ал екінші тігіс сүйек
бөліктерін мықтап ұстап тұру үшін және жіпті тартып байлағанда тізе
тобығының екінші бөлігін босаңсыту үшін салынады. Сол себептен жіптің
екінші ұшын асықты жіліктің бұдырынан көлденең өткізіп тартып
байлағанда ортан жіліктің төртбасты бұлшықетінің тартылуын төмендетеді.
Жыртылған бүйір байламдарды тігеді. 4 аптаға гипстік тутор салады. Содан
кейін қозғалыс жаттығуларын жүргізеді.
143 сурет. Тізе тобығы сынғанда орамды кисеттік тігіс салу
