7-тақырып. Саланың шикізат базасын пайдалану тиімділігін жоғарылату
Кіріспеде тақырыптың өзектілігі, саланың шикізат базасын пайдалану ерекшеліктері, ғылыми зерттеулердің мақсаты мен міндеттері көрсетіледі.
Дипломдық жұмыстың бірінші бөлімінде саланың шикізат базасына сипаттама беріп, саланың және оның шикізат базасының дамуының маңыздылығы мен міндеттерін ашып көрсету қажет.
Қазіргі уақыттағы Қазақстанның даму жағдайында шикізатты ұтымды пайдаланудың экономикалық мәселелері ерекше көңіл бөлуді талап етеді, себебі қоғамдық өндірістің тиімділігін арттырудың маңызды факторы ресурс сақтау болып табылады. Сондықтан, жұмыста Қазақстан жағдайына қатысты ресурс сақтау мәселесін талдау жасау керек.
Дипломдық жұмыстың екінші бөлімінде саланың және оның шикізат базасының қазіргі жағдайына толық сипаттама беру қажет. Егер жұмыс нақты кәсіпорын мысалында орындалса, онда өнімнің негізгі түрлері бойынша өндіріс көлемінің соңғы 3-5 жылдар аралығындағы өзгерісін талдау қажет
Шикізатпен жабдықтаушыларды сипаттап, шикізатты жеткізу көлемі туралы нақты мәліметтер келтіру қажет.
Содан соң шикізат базасын дамытудың инновациялық әдістерін зерттеп, олардың тиімділігіне баға беру керек.
Жұмыстың қорытынды бөлімінде саланың шикізат базасын пайдалану тиімділігін арттыратын факторларды қарастырып, осы мәселе бойынша тұжырымдар мен ұсыныстар жасау қажет.
Достарыңызбен бөлісу: | 
