Түлектердің кәсіби дайындық деңгейіне қойылатын талаптар

5В050600-Экономика мамандығы бойынша жоғары білім беру экономика бакалавры дәрежесі тағайындалатын кадрлар дайындауға бағытталады.

Экономикалық қызмет саласы кәсіби дайындық деңгейіне келесі құзыреттіліктермен сипатталатын ерекше талаптар қояды:

• 
  әлеуметтік-экономикалық үдерістер мен құбылыстар туралы отандық және шетелдік статистиканың деректерін талдау және интерпретациялау, олардың даму үрдістерін анықтау , ақпараттық шолу және/немесе талдамалық есеп құрастыру қабілеті;
  
• 
  типтік әдістемелер мен қолданыстағы нормативті-құқықтық база негізінде шаруашылық жүргізуші субъектілердің қызметін сипаттайтын экономикалық және әлеуметтік-экономикалық көрсеткіштерді есептеу қабілеті;
  
• 
  басқару шешімдерінің ұсынылып отырған нұсқаларын сыни бағалауға, әлеуметтік-экономикалық тиімділігі өлшемдерін, тәуекелдер мен ықтималды әлеуметтік-экономикалық салдарларын ескере отырып, оларды жетілдіру жөнінде ұсыныстар әзірлеу және негіздеу қабілеті;
  
• 
  жаңа кәсіпорынды ұйымдастыруға, іс-әрекеттегі кәсіпорынды техникалық қайта жарақтандыру, реконструкциялау және кеңейту, өнімнің жаңа түрлерін енгізуге қатысты жобалық есептеулер әзірлеуді және жүргізуді жүзеге асыру, арнаулы құжаттар (техникалық-экономикалық негіздеме, бизнес-жоспар және т. б.) даярлау; сондай-ақ әзірленген жобалардың стандартқа және басқа нормативтік құжаттарға сәйкестігін бақылауды жүзеге асыру;
  
• 
  экономикалық процестер мен құбылыстардың сипаттамасы негізінде стандартты теориялық және эконометрикалық модельдер құру, алынған нәтижелерді талдау және мазмұндық түсіндіру, әлеуметтік-экономикалық болжамдар жасау қабілеті;
  
• 
  экономикалық, техникалық және әлеуметтік факторлар кешенін ескере отырып, кәсіпорын қызметінің тиімділігін жоғарылату мақсатында еңбек үдерістері мен еңбекақы төлеу жүйесін жобалау, кәсіпорында еңбек нормаларын есептеу қабілеті.