Турлыбекова а. Б., Алимбетов м. О., Абдикаликова н. Б., Балабеков о. К
жүктеу/скачать 5,69 Mb.
|
токыма жабдыктары
Таспалы тізіп орау машиналарыТаспалы тізіп орау машиналары (сурет 5) тоқыма өнеркәсібінің барлық салаларында қолданыла береді, тіпті синтетикалық талшықтарды дайындау кезеңдерінде де. Таспалы тізіп орау жіптердің шлихталау кезеңіне түспейтін жағдайда да көп қолданылады. Сурет 5. Беннингер (Швейцария) фирмасының таспалы тізіп орау машиналары Таспалы тізіп орау тізіп орау машинасында тізбектеле орындалатын екі операциядан тұрады: тізіп орау барабанына таспаларды тізбектей айшықтау және бір уақытта барлық таспаларды тоқыма иіршігіне ораудан тұрады. Тізіп орау барабанына тоқу иіршігіне оралатын жіп ұзындығымен бірдей ұзындықтағы жіптер оралады.Таспалы тізіп орау машиналарының техникалық сипаттамасы төмендегі 3 кестеде келтірілген. Кесте 3. Таспалы тізіп орау машиналарының техникалық сипаттамасы
Таспалы тізіп орау машинасының технологиялық процессі келесі жағдайда өтеді. Негіз жіптер үздікті тізіп орауға арналған иіршік орнатпасының орауыш ұстағышында қозғалмайтындай етіп орнатылған конусты орауыштан шығады да керуші құрылғы арқылы өтеді. Содан кейін иіршік орнатпасының екі жағы бойынша бекітілген автоматты тоқтату ілмектері арқылы өтеді. Иіршік орнатпасынан шыққаннан кейін жіптер бөлуші қатаршалар 3 арқылы бағыттаушы білікшелер 1 және 2 аралығымен (сурет 6), суппорт қатаршасы 4 арқылы өтіп, мерильді білікше 5 және бағыттаушы білікшелерді 6 және 7 иілдіре отырып тізіп ораушы барабанға 8 таспа түрінде оралады. Бірінші таспа қатарында екінші, содан кейін үшіші және т.б. жалпы айтқанда қашан тізіп орау барабанына барлық таспалар оралмайынша орала береді. Бөлуші қатарша 3, суппорт қатаршасы 4, мерильді білікше 5 және бағыттаушы білікшелер 6 және 7 суппорт үстелшесінде бекітілген. Таспаны барабанға орау барысында суппорт үстелшесі жүріс винті арқылы таспаның дұрыс тізіп оралуын қамтамасыз ете отырып, тізіп орау барабаны 8 бойымен бағыттаушы бөренелер 10 бойынша орын ауыстырады. Таспалы тізіп орау машинасының суппорты таспаны, яғни, оны барабанға орау уақытында бағыттайды. Аталған суппорт барабанға таспаның біртекті және дұрыс оралуын қамтамасыз етеді. Тек қана осындай жағдайда ғана барабаннан ұршыққа қайта орау барысында жіптер біртекті керілісте болады.
Тізіп орау барабанына таспаларды орағаннан кейін, оларды біруақытта тоқыма ұршығына қайта орайды. Жіптерді қайта орау барысында олар тізіп орау барабанында тізіп орала отырып бағыттаушы домалақ бөрене 12 және 13 (7 суретті қараңыз) арқылы өтіп, тоқыма ұршығына 14 оралады. Қайта орау барысында тізіп орау барабаны тоқыма ұршығына оралатын жіптердің керілісі әсерінен кері бағытқа қарай айналады. Жіптердің қажетті керілісі барабанның қалыпты тежегішпен тежеу барысында, сонымен қатар олардың бағыттаушы бөренелер 12 және 13 үйкелісі барысында құрылады. Таспаны тоқыма ұршығына қайта орау барысында соңғы жүрісті бұранда әсерімен суппорттың орын ауыстырылуы мөлшерінде тізіп орау барабан бойымен жылжуы керек, бірақ кері бағытта. Мұндай қозғалыс тоқыма ұршыққа негіз жіптердің барлық қабаттарында оның фланцалары аралығында орналасуы жеткізіледі. Таспалы машинада екі есептегіш орнатылады: бірі метр бойынша негіз жіптің ұзындығын өлшеу үшін болса, ал екіншісі тізіп орау барабанының айналым санын есептеу үшін қолданылады. Негіз жіпті есептеу есептегіші бойынша тек қана бірінші таспаны тізіп орау бақыланса, ал кейінгі барлық таспаларды тізіп орауды тізіп орау барабанының айналым санын есептеуші есептегішпен бақылайды, бұл өз кезегінде біртекті ұзындықтағы таспаларды дәл орауды қамтамасыз етеді. Бірінші таспаны орау барысында негіз жіп есептегішінің дискісін нөлге келтіреді. Жұмыс барысында есептегіш бірінші таспа барабанға қандай ұзындықта оралғанын білдіре алады. Тізіп орау барабанының айналым санын есептеуші есептегішті де бірінші таспаны тізіп орау алдын нөлге келітіріп алады. Тізіп орау барабанының нақты айналым саны бойынша, аталған барабанның айналым саны бойынша жұмыс істейтін машинаны автоматты тоқтатуға орнатады. Осының нәтижесінде барлық таспалардың ұзындығы біртекті болып алынады. Ұзындық есептегіші қозғалысты мерильді білікшеде алса, ал айналым санын есептеуші қозғалысты тізіп орау барабынынан алады. Таспалы тізіп орау жылдамдығы 150 ден 400 м/мин дейінгі жылдамдықты құраса, ал қайта орау жылдамдығы 30 дан 75 м/мин дейінгі жылдамдықты құрады. жүктеу/скачать 5,69 Mb. Достарыңызбен бөлісу:
|