Şu aşakdaky sӧzleri fonetik derňew ediň

1.Sözleri döreýiş çeşmesi nukdaýnazardan derñew etmek (muña başgaça sözleriñ etimologik derñewi hem diýilýär);

2.Sözleri many gatnaşygyna görä derñew etmek (muña başgaça sözleriñ semantic derñewi hem diýilýär);

3.Sözleri ulanylyş gerimi taýyndan derñew etmek;

4. Sözleri ulanylyş ýygylygy taýyndan derñew etmek;

5. Sözleri stillere gatnaşygy we emosional-ekspressiw öwüşginliligi taýdan derñew etmek; Meselem, Magtymguly aýdar, tiken ýok, gül ýok… I. Sözlemde esasy, ýagny “açar” hasaplanýan sözler şular: 1)”Gül” sözi döreýşi taýdan pars diliniñ “gol” sözünden bolup, ösümligi bildirýär. 2) “Tiken” sözüniñ asly tik we en böleklerinden ybarat…

II. “Gül” sözüniñ many aýratynlyklary: a) bu sözüñ omonimiýa gatnaşygy: gül—ösümlik, ýagny gunçanyñ açylan görnüşi we “gülmek” işliginiñ asyl köki, hereket añladýar; b)köpmanyly söz: öz hakyky manysyna meñzeşlik esasynda goşmaça mana geçýär: gül—almadyk hamyrdan bişirilen çörekdäki ýanyk; gözünde gül bar (menek); ç)sinonimiýa gatnaşygy : eger hereket manysyndaky “gül” göz öñünde tutulsa, onda onuñ sinonimi “ýylgyr” sözi; d)antonime gatnaşygy: eger hereket manysyndaky “gül” göz öñünde tutulsa, onda onuñ antonimi “agla, ýygla” sözleri; e)söz manysy giñelen görnüşde; ä)başga ýa-da bile ulanylýan sözleri bilen göçme mana eýedir: gül ýaly çaga (meñzetme); gül durmuş ýa-da gül ömür (metafora).

III.Bu söz ulanylyş gerimi taýyndan umumyhalky söz, adalga görnüşinde hem ulanylyp bilinýär: biologiýa, filologiýa, lukmançylyk ylmynda adalgadyr.

IV. Bu söz ulanylyş ýygylygy taýyndan işjeñ ulanylýan sözdür.

V. Sözüñ stillere gatnaşygy we emosional-ekspressiw öwüşginliligi taýdan hyzmaty uludyr. Göni manyda ähli stillerde ulanylýar. Göçme manyda ulanylanda emosional-ekspressiw öwüşginlilige eýedir. Meselem, gül ömrüñi kül etmek we ş.m.

Leksik derñewiñ zerurulygy sözleýşiñ emele getirilmeginde has aýdyñ duýulýar.