Ikinji uzyn çekimliler dürli fonetik prosesler bilen baglanyşykly soň ýüze çykan seslerdir. Şu sebäbe göra hem bulara ikinji uzyn çekimliler ýa-da kombinator uzyn çekimliler diýilýär. Ikinji uzynlyk söz ortasyndan çekimsiz sesiň düşüp galmagy çekimlä gutaran sözlere çekimli başlanýan affiksleriň goşulmagy we ş.m. ýagdaýlar bilen baglanyşykly ýüze çykýar. Bularyň diliň ösüşinde soňra peýda bolandyklaryny dilde dowam edýän fonetik kanunlar, dil faktlary arkaly köplenç subut etmek takyklamak bolýar: dä:l (däl), i:şlä:p (işläp).
