Diliň gorizontal hereketi boýunça çekimliler yzky hatar, ortaky hatar we alynky hatar çekimlileri bolup üç topara bölünýär.
Yzky hatar çekimlileri. Bularyň artikulýasiýasy aşakdaky alamatlar bilen häsiýetlenýär: a) dil bütin göwresi we dilasty süňki bilen yza çekilip, onuň ujy (alyn bölegi) aşaky alyn dişlerden has daşlaşýar; b) dil ardy bolsa gaty kentlewügiň gutarýan, ýumşak kentlewügiňem başlanýan ýerine tarap çalaja galaňkyrlaýar; w) netijede dil ujyndaky boşluk giňäp, onuň ardyndaky boşluk daralýar. Ine, şu hili artikulýasiýada yzky hatar a,ä:, o,ö: u,ü: çekimli fonemalary emele gelýär.
Достарыңызбен бөлісу: |
