Ұрпақтар сабақтастығы, буындар, жастар туралы ежелгі грек ойшылдары тұсында да талай әңгіме болыпты. Біздің дәуірімізден бес ғасыр бұрын өмір сүрген Сократтың өзі «Қазіргі жастар құрыған, олар ақсақалды сыйламайды, өзінен үлкендермен салғыласуға әзір тұрады, қомағай әрі ұстаздарын мезі етеді» деп жазған еді.
Американ ғалымдары Уильям Штраус пен Нил Хоувтың ойлап тапқан «Буындар теориясы» бойынша, ұрпақтар арасындағы қайшылықтар мен түсініспеушіліктер болуы заңды. Себебі социомәдени прототип сол кездің жағдайларына байланысты қалыптасатын қоршаған ортаға байланысты айқындалады. Сол қоршаған орта шарттарына бейімделу арқылы тіршілік иесі түр ретінде сақталады. Ол үнемі заманына қарай түлкі не тазының рөліне енуге мәжбүр. Экономикалық дағдарыс, аштық, соғыс, саяси қуғын-сүргін, экономикалық бақуат тұлғаның қалыптасуына әсер етеді. Штраус пен Хоувтың пайымдауы бойынша, буын дегеніміз 20-25 жас аралығындағы уақытта дүниеге келген адамдар жиынтығы екен. Егер социологиядағы жіктеме бойынша миллениалдар, X ұрпақ, Y ұрпақ деп бөлінетін болса, қазақы түсінік бойынша, аға буын, орта буын, жас буын бар. Аға буынның жасай алмағанын жасайтын, жас буын сын көзбен қарайтын, қоғамның ауыр жүгін арқалайтын негізінен орта буын өкілдері деп айтуға болады.
(https:// el.kz/)
4-тапсырма.Мәтінде берілген төмендегі сөздер мен сөз тіркестерінің мағынасын сәйкестендіріңіз. Оларды есте сақтаңыз.
