Виртуалды және кеңейтілген шындықтың жаңа технологиялары ойдан шығарылған әлемге тереңірек ену үшін көзілдірік пен бас киімдер жасауға мүмкіндік береді. Медициналық тұрғыдан алғанда, VR көзілдіріктерінің зияны компьютер мониторына қарағанда өте әлсіз. Көзілдірікте көз бір нүктеде шоғырланбайды, ол әрбір қозғалысты бақылап, тынышытықта болмайтындықтан, виртуалды шындық көзілдірігі көз үшін аса қауіпті емес. Алайда виртуалды шындық құрылғыларының қаупі өзгеде. Виртуалды әлемге шамадан тыс батқан адам кеңістікте бағдарын жоғалтады, бұл ағзаның вестибулярлық жүйесінің проблемаларына әкеледі. Сондықтан бас мониторларын күніне үш сағаттан артық қолданбай, әр жарты сағат сайын үзіліс жасау ұсынылады.
Виртуалды шындық көзілдіріктері адамның эмоционалды күйіне, жеке тұлға типіне және басқа да факторларға байланысты әртүрлі әсер етеді. Виртуалды шындық бас киімін қолдануға өте сақ болу керек. Себебі ол қабылдау қабілетін, ақыл-ой дамуындағы тежеулерге әкелуі мүмкін.
Әмбебап сақтық шаралары:
Жүкті әйелдерге, қарт адамдарға және жүрек-қантамыр ауыруларымен, эпилепсиямен және басқа да ауыр психикалық аурулармен ауыратын, сондай-ақ көру қабілеті бұзылған адамдарға виртуалды шындықтан бас тарту керек;
13 жасқа дейінгі балаларға бас киімдерін қолданудың қажеті жоқ немесе үлкендердің бақылауымен пайдалану керек;
Кез келген жастағы адамдарға бас киімді ұзақ киюге болмайды. Өйткені бұл көру координациясына, тепе-теңдік қабілетіне теріс әсер етуі мүмкін.
Дүние жүзінде қанша виртуалды шындық пайдаланушылар бар?
