Тадқиқот натижаларидан келиб чиқиб, қуйидаги таклиф ва тавсияларни илгари суриш мумкин:
“Ўзбекистон жанубий ҳудудларидаги демографик жараёнлар” мавзусида махсус илмий конференция ташкил этиш, демография ва давлатчилик тарихининг хронологияси ҳамда демографик даврлаштириш масаласини янги маълумотлар асосида муҳокама қилиш;
Ўзбекистон жанубий ҳудудларидаги демографик жараёнлар тарихига бағишланган махсус илмий тўплам ва умумлашма монография тайёрлаб, чоп эттириш;
Ўзбекистонда демографик жараёнлари бўйича илмий тадқиқотларда жанубий ҳудудлар тарихига оид муаммолар етарлича ўрганилмаганлигидан келиб чиқиб, бу мавзу бўйича илмий тадқиқотларни келгусида давом эттириш;
Жанубий ҳудудларда демографик жараёнларни ва унинг ижтимоий-иқтисодий, маданий-сиёсий ҳаётга таъсирини ҳамда ривожланиши тарихини ўрганишни ўрта мактаблар ўқувчилари ва ўрта махсус ҳамда олий ўқув юртлари талабалари учун “Ўзбекистон тарихи” фанидан яратиладиган янги ўқув қўлланмалари ва дарсликларида акс эттириш;
мазкур мавзуга тегишли янги илмий маълумотлардан, жанубий ҳудудлар тарих музейларида ўлкашунослик соҳасига оид янги экспозициялар ташкил этиш орқали улардан Ўзбекистон тарихи ва маданиятини тарғиб қилишда фойдаланиш тавсия этилади.
“Ўзбекистон тарихи” фанига доир дастурларида берилган этник тарих билан боғлиқ мавзуларда фойдаланиш ҳамда демографик жараёнларни ўрганувчи Илмий марказ ташкил этиш ва луғат тузиш лозим:
Достарыңызбен бөлісу: |
