Республика күніне орай дәстүрлі түрде Қазақстанның барлық өңірлерінде концерттер, шығармашылық байқаулар, спорттық жарыстар, патриоттық, волонтерлік және қайырымдылық акциялар, айтыстар өткізіледі
«Ақындар айтысы» өткізу үшін ұсынылатын тақырыптар:
«Жаңа күн – жаңа Қазақстан»;
«Туған жерім – мақтанышым»;
«Тілім – тұмарым»;
«Тәуелсіздігім – тұғырым»;
«Топырақ жыр – торқа жыр»;
«Көк тудың желбірегені»
Төрт тоқсан-төрт өнер
Екінші тоқсан-«Асық ойыны – үлкен халықтық тәрбие. Біздің ұлтымыздың дәстүрлері мен мәдениетінің бастауы» Б. Момышұлы
Асық ойнау – бұл жай ғана ойын емес, дәлдік пен көшбасшылық қасиеттерді дамытатын, оқушылардың логикалық ойлауына оң әсер ететін спорт.
Асық ойындарының ұсынылатын түрлері:
бес табан,бес асық, үш табан, алты табан, омпы, бүгіп алу, көн (жоң), жарып алу, сыпырмай, түртпей, тыштырмай атан, бестас, мергендік немесе шеңбер жасап ату, хан талапай, асық қағу, қаршу, алшы, шұбырту, ұпай ұтысу, қол жоң, ат жарыстыру, қошқар соғыстыру, мұз ойнақ, иірмекіл, қақпақыл, сасыр, хан ойыны, аламан хан, асық табысу (асық жасыру), бүк-шік, төрт шүкейт, шомшы, манай.
Төрт тоқсан-төрт өнер
Үшінші тоқсан-«ҰЛТТЫҚ ӨНЕР» КӨРМЕСІ
«Біз көптеген тағдырлы сынақтардан бірге өтіп, ата-бабаларымыздың дәстүрлерін, құндылықтарын және мәдени-рухани мұрасын сақтай алдық». Касым-Жомарт Токаев
Ұрпақтар сабақтастығын дамыту, білім алушылардың ұлттық өнерге, халық шығармашылығына мемлекеттің, қоғамның, отбасының, тұлғаның мәдени игілігі ретінде құндылық қатынасын тәрбиелеу мақсатында Наурыз мерекесі аясында әрбір білім беру ұйымында «Ұлттық өнер» көрмесі ұйымдастырылатын болады.
Төрт тоқсан-төрт өнер
Төртінші тоқсан«ТУҒАН ӨЛКЕМ» ФЕСТИВАЛІ
«Туған өлкем» фестивалі – туған өлкенің тарихы мен мәдениетімен таныстыру.
«Туған өлкем» фестивалі – бұл туристік маршруттар кластеріне енгізілуі мүмкін туған өлкенің әдемі және ішкі жерлерін насихаттау.
«Туған өлкем» фестивалінің мақсаты - оқушылардың белсенді азаматтық ұстанымын дамыту, отансүйгіштік пен азаматтық сезімін тәрбиелеу, салауатты өмір салтын насихаттау, туған өлкені зерделеу арқылы туристік-өлкетану қызметін жандандыру.
