Сыртқы тынысалу газдардың ауадан өкпеге өтуі, өкпеден қайта атмосфераға шығарылуы. Ол 2 кезеңнен демалу (инспирация) және дем шығарудан (экспирация) тұрады.
Адам демді ішке тартқан кезде инспирация еттері жиырылады да, көкірек қуысын кеңейтеді, көкет жиырылады.Сөйтіп көкірек қуысы жоғарыдан төмен қарай кеңйді,сыртқы қабырғааралық және шеміршекаралық еттер тартылып, қабырғаларды жоғары қарай көтереді, осы кезде төс алға қарай ығысады, сөйтіп көкірек кеңейеді.
Инспирация еттері босап қабырғалар мен төс әдеттегі орындарына түседі, ілі шала көкет күмбезі томпайып, жоғары қарай көтеріледі де көкірек қуысы тарылады, өкпенің аумағы кішірейеді. Көкірек қуысының тарылуы экпирация еттері, яғни ішкі қабырғааралық еттердің жиырылуына байланысты.
Инспирация еттері босап қабырғалар мен төс әдеттегі орындарына түседі, ілі шала көкет күмбезі томпайып, жоғары қарай көтеріледі де көкірек қуысы тарылады, өкпенің аумағы кішірейеді. Көкірек қуысының тарылуы экпирация еттері, яғни ішкі қабырғааралық еттердің жиырылуына байланысты.
Өкпеде серпімді тіндер көп. Сондықтан да ол созылып қайта тартылып алғашқы қалпына келе алады. Өкпе ширығуы мен созылуы тығыз байланысты. Созылған өкпе тініннің бұрынғы қалпына келтіретін күш серпін күші деп аталады. Өкпе неғұрлым созылғыш келсе, оның серпімділігіде соғұрлым жоғары болады. Серпін күші өкпенің аумағын тарылта отырып, висцеральдық плевраны париетальдық плеврадан тартып ажыратуға тырысады. Бұл – плевра қуысындағы қысымды азайтып негізгі себептің бірі. Созылған өкпенің қайта тарылуы бронх еттерінің тонусынада байланысты. Плевра қуысында теріс қысымның тағы бір себебі альвеолалардың ішкі бетінде сурфактант атты беткі кернеу күші өте төмен заттың болуы. Әрбір альвеоланың ішкі беті осы сурфактантпен майланған. Бұл белок аралас липидтен тұрады.
