Планиметрия курсының салу есептерін шешу әдістемесі және заманауи технология мүмкіндіктерін пайдалану
жүктеу/скачать 0,9 Mb.
|
7499 Материалдлявестника
|
Планиметрия курсының салу есептерін шешу әдістемесі және заманауи технология мүмкіндіктерін пайдалану Салу есептері оқушылардың геометриялық есептеулерін толығымен қалыптастырудың маңызды құралы болып табылады. Геометриялық салуларды орындау процесі кезінде оқушылар геометриялық фигуралар және олардың арасындағы қатынастар қасиеттерімен танысады, сызбалық құралдарды қолдануды үйренеді, графикалық дағдыларды қалыптастырады. Көптеген математикалық тұжырымдардың дұрыстығына оқушылар көптеген жағдайда геометриялық салулар процесінде көз жеткізеді. Қазіргі уақытта геометриялық салу есептері кейбіреулерге қызықсық, қажетсіз, ойдан шығарылған болып көрінуі де мүмкін. Циркуль мен сызғышты пайдаланып дұрыс он жетібұрышты көпбұрыш салу, үш биіктігі бойынша үшбұрыш салу немесе берілген түзуге параллель түзу салу не үшін қажет? Қазіргі заман техникасы бұл салуларды кез келген адамнан әлде қайда тез, әлі дәлірек орындау мүмкіндігін, сонымен қатар, циркуль мен сызғышты қолданып шешуге мүмкін емес салу есептерін шешу мүмкіндігін туғызып отыр. Солай бола тұрса да салу есептерінсіз геометрия, геометрия болудан қалады. Геометрияны шын мәнінде жақсы сезіну үшін, оны жақсы көріп, ұнату үшін, салу есептерін айналып өтуге болмайды. Оқушылардың планиметриядағы салу есептерін шешу қабілеті мен білігін жүйелі қалыптастыруда Geogebra математикалық бағдарламасының көмегіне де жүгінуге болады. Осы бағдарлама арқылы салу есептерін қалай орындауға болатындығына тоқталамыз. Geogebra (www.geogebra.org) тегін интерактивті математикалық орта (ИМО) болып табылады. Планиметрия курсының сызбаларын, әсіресе, сызғыш пен циркуль көмегімен салынатын есептерді салуда пайдасы көп. Бағдарлама толығымен қазақ тіліне аударылған. Әлемдегі ең танымал математикалық интерактивті бағдарлама ретінде танылған GeoGebra көптеген марапаттау мен сыйларға ие болды. Сонымен қатар STEM оқытуға және дүние жүзі бойынша білім берудегі инновациаларға қолдау білдіреді. 2013 жылдың маусымында Еуропалық заманауи білім беруге арналған журналында (European Journal of Contemporary Education, ISSN 2304-9650), GeoGebra бағдарламасын оқу процесінде пайдалану мүмкіндіктеріне арналған арнайлы басылым шықты (шақырылған редколлегия: п.ғ.д Дэниэл Джарвис, Университет Ниписсинг, Канада және ф-м.ғ.к Рушан Зиатдинов, Университет Фатих, Стамбул, Турция). 1-сурет. Geogebra ИМО-да элементар салуларды орындауға қажет құралдар Жана нүкте енгізуге арналған командалар тобы. Сызбадағы екі обектінің қиылысу нүктелерін, кесіндінің ортасын белгілеуге немесе жана нүкте енгізуге мүмкіндік береді. Сызғыш аксиомаларын сақтай отырып, сызғыштың мүмкіндіктерін толық пайдалануға мүмкіндік беретін құралдар тобы. Қосымша берілген ұзындық бойынша кесінді салу, екі нүкте арасындағы вектор салуға мүмкіндік береді. Түзуге перпендикуляр, паралель түзу салу және бұрышқа биссектриса шеңберге жанама жүргізуге мүмкіндік беретін құралдар тобы. Циркуль аксиомасының ерекшеліктерін сақтай отырып, қарапайым циркуль мүмкіндіктерін кеңейтетін құралдар. Үш нүкте арқылы шеңбер салуға, диаметрдің ұштары бойынша жарты шеңбер салуға, доға салуға мүмкіндік береді. Сызбаға қосымша мәтін немесе сурет енгізуге мүмкіндік береді. Сызбадағы әр объектінің атауын, түсін, сызық қалыңдығын, типін, толығымен өзгертуге болады. Ол үшін объектіге тышқанның оң жақ батырмасын басып объект баптаулары командасын таңдау қажет. Жоғарыда (1-сурет) көрсетілгер құралдарды пайдалана отырып мектеп курсының элементар салу есептерін салайық. Есептер қарастырайық: және ұштары берілген кесіндінің ортасын салу. Бұл есептің шешуін әр түрлі құралдар көмегімен табамыз. жүктеу/скачать 0,9 Mb. Достарыңызбен бөлісу:
|