Тақырыбы: Еуразиялық Одақ: болашақтың стратегиясы. Тілдік нормалар Жоспар

1. 
   Еуразиялық Одақ: болашақтың стратегиясы.
   
2. 
   Тілдік нормалар
   

Елбасымыздың осынау бастамасы интеграцияның, ынтымақтастық қатынастардың қазіргі уақыттағыдай нығайып, қанат жаюына негіз болды.

Осы жылы Қазақстан, Ресей және Беларусь арасында «Еуразиялық экономикалық одақ туралы» келісімге қол қойылды

Еуразия ортасында орналасқан мемлекет ретінде біз үшін интеграциялық үдерістерге қатысу өмірлік маңызды, -деді Нұрсұлтан Назарбаев өз сөзінде.

Бірқатар басқа да мемлекеттер осы үдеріске қосылуға тілек білдірді.

Елбасының бұл пікірінің өзінен-ақ ЕЭО-ға деген қызығушылықтың артып отырғандығын байқау қиын емес. Көзі қарақты, құлағы түрік өз жұртымыз да Елбасының ауызынан шыққан әрбір сөзге терең мән берді. Жалпы, бұл одақ туралы отандастарымыздың арасында да дұрыс түсінік қалыптасу үстінде. Бұл –ел ертеңі, болашақтың қамы үшін жасалынылатын үлкен шаруа екендігін әркім де жақсы сезінуі керек.

Сонымен, «Еуразиялық экономикалық одақ» дегеніміз не? Елбасының айтуынша, бұл «ортақ нарық» деген ұғымды білдіреді екен. Бұл ұғымды Елбасы әрмен қарай: «Ол тең құқықтық, өзара тиімділік және өзіне мүше барлық қатысушылардың мүдделерін есепке алу қағидаттарымен жұмыс жасайтын, ХХІ ғасырдағы тұғырлы түрде жаңа бірлестік болады» деп тереңдете жеткізген еді.

Біздің елімізде кедендік одағы туралы мәселені Елбасымыз орынды көтерді. Соның нәтижесінде оның ізгі ниеті жеріне жеткізіліп, тиісті тараптармен іскерлік байланыс орнатылды. Негізінде бұл үлкен тақырып. Кедендік одақ бәрін айтпағанда кәсіпкерлік салаға оң өзгерістерді мол әкеледі.

Қазақстан Президенті экономикалық шешуші тұтқалары-отандық кәсіпкерлердің, отандық тауар өндірушілердің әлемдік бәсекеде жоғары тұғырдан көрінуге және олардың шынайы бәсекелестікке шынығып, шыңдала түсуіне ұдайы көңіл бөліп келеді. Шағын және орта бизнесті дамытуды жаңа сатыға көтеруді басты міндет етіп қойды.

Кеден одағына кіру міндеті де қазақстандық кәсіпкерлерді іс жүзінде құрыштай қайнаған іскерлікке баулиды. Өйткені, қазіргідей әлемдік бәсекенің жағдайында жергілікті шыңдалудан өтпеген кәсіпкерге немесе тауар өндірушіге ол жаққа олжа салудың өзі мүмкін емес. Ал, нағыз шыңдалғандар үшін, бұл саланы терең меңгергендер үшін қай жерде де есік ашық,

Кеден одағына кірудің пайдалы екендігін өмірдің өзі дәлелдеп отыр. Оның келешегі де зор. Кәсіпкерлерге оның тигізіп отырған үлкен пайдасының бірі-кеденнен өту, қажетті құжаттарды рәсімдеу кезінде түрлі кедергі, қиындықтар жоқтың қасы. Қазір біздің еліміздің кәсіпкерлері өз тауарларын көрші елдер арқылы емін- еркін шығара алатын дәрежеге жетті.

Кеден одағына мүше болғалы біздің өнімдеріміз темір жол, басқа да көлік қатынастары арқылы әлемнің түкпір-түкпіріне толассыз жөнелтілуде. Мұның өзі Кеден одағының бізге, яғни отандық тауар өндірушілерімізге кәсіпкерлікті барынша дамытуға, олардың әлем базарына еркін шығуына қолайлы жағдай туғазып отырғандығын көрсетеді. Кеден одағының пайдасы көп, келешегі зор. Оның көкжиегі күнен-күнге кеңейіп келеді.