Еуразия құрлығы дүние жүзі халқының жартысынан астамы қоныстанған, төрт мұхит–Солтүстік Мұзды мұхиты, Атлант, Тынық және Үндімұхиттары шайып жатқан жердің ең үлкен құрлығы.
Құрлық экватор мен 770 с.е аралығында орналасқан. Ең шеткі нүктелері – Челюскин мүйісі (770 43! с.е.), Пиай мүйісі(10 16! с.е.), Рока мүйісі (90 34! б.б), Дежнев мүйісі (1690 40!б.б.); солтүстіктен оңтүстікке дейін ең ұзын жері–8 мың км., ал батыстан шығысқа қарай–16 мың км-ге созылып жатыр.
Еуразия құрлығына қарайтын кейбір аралдар құрлықтан қашық орналасқан. Шпицберген, Франц-Иосиф Жері мен Солтүстік Жер 800 солтүстік ендіктен жоғары орналасқан; ал оңтүстік жарты шардағы Малай архипелагының аралдары110 о.е. дейін созылып жатыр. Атлант мұхитындағы Азор аралдары 280 батыс бойлықта орналасқан.
Еуразия құрлығының көлемі, аралдарымен қоса есептегенде-53,4 млн. км2, оның–2,75 млн км2 аралдардың үлесіне тиесілі. Құрлық көлемінің үлкен болуынан табиғи жағдайы алуандығымен және күрделігімен ерекшеленеді.
Еуразия шеңберінде дүние жүзінің екі бөлігі – Еуропа мен Азия орналасқан.
Шетелдік Еуропаның қатты тілімденген жер бедерін ірі Шығыс-Еуропа, Батыс-Сібір, Тұран жазығы және Орта Сібір қыраттары алмастырады.
Ірі тау сілемдері, Еуразияның батысынан шығысына қарай Атлант мұхитынан Тынық мұхитына дейін созылып, осы бағытта биіктігі өсіп, Жердің ең биік шегіне Гималай мен Тибет таулы өлкесінде жетеді.
Протерозойдың соңы, төменгі және жоғарғы палеозойда осы мұхиттардың біртіндеп жабылуынан құрлықтың ауданы артты да мезозой эрасының басында оңтүстік жарты шардың құрлықтарымен қосылып Жердің біртұтас праконтиненті – Пангейді дамытты.
