Семей қаласы «Қ.Рысқұлбеков атындағы №33 жалпы орта білім беретін мектебі» КММ «Жас Қыран» ұйымына қабылдау салтанатты жиынның сценарийі Өткізілу мерзімі: 26.12.2023 жыл
Өткізілу уақыты: Ұйымдастырушылар: Тәлімгер, « Жас Ұлан» балалар мен жасөспірімдер ұйымы
Қатысушылар: мектеп ұстаздары, оқушылар
Жүргізушілер: Өту барысы
/Сахна безендірілген, баяу музыка ойнап тұрады. Басталғанда ЖасҰлан ұйымы туралы видео көрсетіледі/
Фанфар І жүргізуші: Қайырлы күн! Құрметті жиналған қауым!
ІІ жүргізуші: Армысыздар құрметті қонақтар, ұстаздар мен оқушылар!
1-жүргізуші: Жаса мәңгі, тәуелсіздік ұраны,
Шарықтасын қазағымның жыр әні.
Отанымның туын көкке көтерер,
Біз боламыз ұлы елдің «Жас Қыраны»
2-жүргізуші: Қ.Рысқұлбеков атындағы №33 жалпы орта білім беретін мектебінің 1 «А», «Ә» сынып оқушыларын Республикалық «Жас Қыран» бірыңғай балалар мен жасөспірімдер ұйымына қабылдау рәсіміне арналған салтанатты жиынымызды ашық деп жариялаймыз!
1-жүргізуші: Түсініп терең, өмірдің мәнін,
Жалынды жастар, сендерсің сәнім
Беретін бойға күш-қуат, жігер
Шырқалсын шаттық әнұран әнім!
(Әнұран ойналады) /гимн ойналады/
2-жүргізуші: Біз жаңғыру жолында бабалардан мирас болып, қанымызға сіңген, бүгінде тамырымызда бүлкілдеп жатқан ізгі қасиеттерді қайта түлетуге дайынбыз. Қазіргі таңда білім бағдарламалары елімізге ұтымды үлес қосып келеді. Табыс тізгіні – білімді болашақ жастардың қолында. Біз – Қазақстан болашағымыз! Біз мақтаныш тұтуға лайықпыз!
1-жүргізуші: Үлгі бізге аталардың ерлігі,
Ұлағатты, өнегесі, еңбегі.
Тәуелсіздік туын ұстап жоғары,
Бүгінгі ұрпақ болар елдің ертеңі.
/ Ұланбасы «Ән:Мустафмна Даяна »/
2-жүргізуші: Өрлеген өреніміз, жыр әніміз.
Тәуелсіз елімізбен бірге туған.
Аспаны азат елдің қыранымыз!
Жас ұлан жігерлі де жайдарлы ұйым,
Төл мерекең жыл сайын тойланды ұйым!
Жаңғырып жанданатын жылдан жылға
Жас ұлан жалынды ұйым, абыройлы ұйым.
Елімнің болашағы ұланымыз
1-жүргізуші: Алға бас, қарышта, Жас ұлан,
Қанаты талмайтын, Жас қыран.
Жастықтың жігері бойыңда,
Өзендей күші бар тасыған.
1-жүргізуші: Олай болса «Бірыңғай «Жас Қыран» балалар мен жасөспірімдер ұйымына» қабылданатын 1 «А», 1 «Ә» сынып оқушыларын ортамызға шақырамыз!
(Жас Қыран ұйымына қабылданушылар «Туған ел» әнімен кіріп келеді.)
