Ромбтәрізді шұңқырдың, fossa rhomboidea, атына сәйкес екі жоғарғы және екі төменгі жағы болады. Ромбының жоғарғы жақтары - екі жоғарғы мишық аяқшаларымен, төменгі жақтары - екі төменгі аяқшаларымен шектелген.
Ромбының жоғарғы бұрышынан төменгі бұрышына дейін ортаңғы сызығы бойымен жүлге, sulcus medianus, созылып жатады. Ол ромбтәрізді шұңқырды оң және сол жартыға бөледі.
Жүлгелердің жандарында шұңқырдың алдында айқын байқалатын жұп томпақ,eminentia medialis, орналасқан. Ол төмен қарай тарылып, тіласты нервісі орналасатын үшбұрышқа, trigonum nervi hypoglossi, айналады. Бұл үшбұрыштың төменгі бөлігінен латералды, сұр түсті, кіші үшбұрыш, trigonum nervi vagi, жалғасады, онда кезбе нервтің ядросы, nucleus dorsalis nervi vagi, орналасқан. Eminentia medialis-тің жоғарғы жағында бет нервінің түбіршігі мен әкететін нервтің проекциясынан пайда болған томпақ бет төбешігі, colliculus facialis болады.
Латералды бұрыш аймағында VIII жұп нервтің ядролары жататын, кіреберіс алаңы, area vestibularis, орналасады. Олардан шығатын талшықтар ақ түсті жіңішке ми жолақтары- striae medullares ventriculi quarti түрінде, көлденең жүріп ортаңғы жүлгеге келеді. Олар ромбтәрізді шұңқырды жоғарғы және төменгі жартыларына бөліп, сопақша ми мен көпірдің шекарасына сәйкес келеді.
Бассүйек нервтері ядроларының ромбтәрізді шүңқырдағы проекциясы.
Мидың сабаулық бөлігінде сұр зат жеке жасушалар жиынтығы ядролар түрінде жатады.
Көзқимыл нервтің ядросы, nuclei n.oculomotorii, ми аяғының жамылғысында орналасатын 2: соматикалык және вегетативтік ядролары бар.
Шығыршык нерв ядролары, nuclei n.trochlearis, ми аяғының жамылғысында, 4 төбешіктің төменгі төмпешігі деңгейінде орналасады.
V-XII жұп ми нервтерінің барлык ядролары көпір мен сопакша мидын дорсалді бөлімдерінде орналасып, ромбтәрізді шүңқырдың әртүрлі бөлімдерінде орналасады.
Достарыңызбен бөлісу: |
