Ұшпа органикалық қосылыстар (бензол, толуол, ксилол). Қоршаған ортаға бензол және органикалық синтез өндірістерінің, мұнай-химия, химия-фармацевтика өндірістерінің, пластмассалар, жарылғыш заттар, ион алмастырғыш шайырлар, лактар, бояулар мен жасанды былғары өндіретін кәсіпорындардың ағынды суларымен және газ тәрізді шығарындыларымен келеді. Резервуарлардан бензол атмосфераға тез буланып кетеді.Бензол канцерогендік, мутагендік, гонадотоксикалық, эмбриотикалық, тератогендік және аллергиялық әсерге ие.Толуолдар мен ксилолдар қоршаған ортаға негізінен мұнай өңдеу және химия өнеркәсібі кәсіпорындарының ағынды суларымен келеді. Олар ұзақ уақыт сақталуы және фунт суларына көшуі мүмкін.
Фенол. Фенолдардың қоршаған ортаға түсуінің негізгі көздері металлургия және коксохимиялық зауыттар, былғары және жиһаз өнеркәсібі кәсіпорындары, сондай-ақ фенолформальдегидті шайырлар, желімдер, пластмассалар өндірісі болып табылады. Фенол атмосфераға шығарындылармен және ағынды сулармен су объектілеріне түседі. Атмосфералық ауадағы ластаушының ШЖК (орташа тәуліктік доза) 3 мкг/м3, су қоймалары суында — 1 мкг/л құрайды.
