1-билет. «Қазақстанның қазіргі заманғы тарихы»
«Қазақстан – 2050» стратегиясы: қалыптасқан мемлекеттің жаңа саяси бағыты» Жолдауындағы басты міндеттерге талдау жасаңыз (14.12.2012 ж.)
жүктеу/скачать 343,45 Kb.
|
- Бұл бет үшін навигация:
- 95.Қазақстан Республикасының Еуропадағы Қауіпсіздік және Ынтымақтастық Ұйымына (ЕҚЫҰ) төрағалығы (2010 ж.).
| 94.«Қазақстан – 2050» стратегиясы: қалыптасқан мемлекеттің жаңа саяси бағыты» Жолдауындағы басты міндеттерге талдау жасаңыз (14.12.2012 ж.).
2012 жылы желтоқсанда Мемлекет басшысының ел халқына Жолдауында Қазақстан Республикасының 2050 жылға дейінгі даму стратегиясы таныстырылды. Оның басты мақсаты – мықты мемлекеттің, дамыған экономиканың және жалпыға ортақ еңбектің негізінде берекелі қоғам құру, Қазақстанның әлемнің ең дамыған 30 елінің қатарында болуы. Бұл мақсаттарға қол жеткізу үшін «Қазақстан – 2050» Стратегиясы жеті ұзақмерзімді басымдықтарды іске асыруды қарастырады: 1. Жаңа бағыттың экономикалық саясаты – пайда алу, инвестициялар мен бәсекеге қабілеттіліктен қайтарым алу принципіне негізделген түгел қамтитын экономикалық прагматизм 2. Кәсіпкерлікті – ұлттық экономиканың жетекші күшін жан-жақты қолдау 3. Әлеуметтік саясаттың жаңа принциптері – әлеуметтік кепілдіктер және жеке жауапкершілік 4. Білім және кәсіби машық – заманауи білім беру жүйесінің, кадр даярлау мен қайта даярлаудың негізгі бағдары 5. Мемлекеттілікті одан әрі нығайту және қазақстандық демократияны дамыту 6. Дәйекті және болжамды сыртқы саясат – ұлттық мүдделерді ілгерілету мен аймақтық және жаһандық қауіпсіздікті нығайту 7. Жаңа қазақстандық патриотизм – біздің көпұлтты және көпконфессиялы қоғамымыз табысының негізі 95.Қазақстан Республикасының Еуропадағы Қауіпсіздік және Ынтымақтастық Ұйымына (ЕҚЫҰ) төрағалығы (2010 ж.). 2010 жылы Қазақстан Республикасының Еуропадағы қауіпсіздік және Ынтымақтастық Ұйымына (ЕҚЫҰ) төрағалық етуі мемлекет тарихындағы маңызды оқиға болды. ЕҚЫҰ-ның тарихында алғаш рет басқару посткеңестік республикаға өтті. Қазақстан Азия мұсылман және түркітілдес әлем елдері тарихында бірінші болып, ТМД-ға мүше мемлекеттер арасында алғаш рет еуразиялық кеңістіктегі ең беделді ұйымдардың бірі ретінде ЕҚЫҰ-ға төрағалық етті. 1999 жылы Ыстамбұлда өткен жоғары деңгейдегі кездесуден кейінгі 11 жылдық үзілістен кейін Қазақстанның ЕҚЫҰ-ға төрағалық етуі аясында ХХІ ғасырда тұңғыш рет 2010 жылғы 1-2 желтоқсанда Астана Еуропадағы қауіпсіздік және Ынтымақтастық Ұйымына қатысушы мемлекеттердің басшыларын қабылдады. Саммитке 56 елдің мемлекет және үкімет басшылары, саяси қайраткерлері, 600-ге жуық халықаралық ұйымдардың өкілдері қатысты. 1500 журналист форум жұмысын жария етті. Қазақстан Республикасының Тұңғыш Президенті – Елбасы Н.Ә. Назарбаев өзінің алғы сөзінде «біздің халықтарымыздың қауіпсіз болашағы үшін бірге әрекет етуді жалғастыруға саналы ойдың салтанат құру» маңыздылығын атап өтіп, сонымен қатар Қазақстан алдында Еуропадағы қауіпсіздік және ынтымақтастық Ұйымын дағдарыстан алып шығу міндеті тұрғанын жеткізді. Өз сөзінде Елбасы ЕҚЫҰ саясаты мен құрылымында мазмұнды және құрылымдық өзгерістерді жүзеге асыру қажеттігі туралы мәлімдеп, ұйымның себеттері мен институттары санын кеңейтуді, оның ішінде Астанада (Нұр-Сұлтан) орналасуы мүмкін ЕҚЫҰ қауіпсіздік институтын құруды ұсынды. Атап айтқанда, Н.Ә. Назарбаев конфессияаралық толеранттылықты ЕҚЫҰ-ның жеке өлшеміне бөліп, осы мақсатта әлемдік және дәстүрлі діндер көшбасшылары Съезінің алаңын пайдалана отырып, «Жаңа онжылдықтағы толеранттылық» құжатын әзірлеуді ұсынды. Ол сондай-ақ трансшекаралық қылмыспен, есірткі тасымалымен және заңсыз көші-қонмен күресті үйлестіру үшін ЕҚЫҰ елдерінің министрлер деңгейінде Кеңес құру туралы ұсыныс жасады. Сонымен қатар Ұйымға төрағалық ету кезеңінде Қазақстан Республикасы атынан Н.Ә. Назарбаев Қырғызстанға саяси дағдарысты еңсеруге, ел ішіндегі қақтығыстың ушығуына жол бермей, ондағы жағдайды тұрақтандырдыруға көмектесті. Қырғызстанға 11 миллион АҚШ доллары сомасында гуманитарлық көмек жіберілді. Атқарылған жұмыстардың нәтижесіне қарап Елбасының мемлекетті басқарудағы бірегей қабілеттері мен өзге елдер арасындағы беделі туралы сеніммен айтуға болады. Төрағалық ету кезеңінде ЕҚЫҰ-ның экономикалық-экологиялық өлшеміне ерекше назар аударылды. Нұрсұлтан Назарбаев әлемді дамыту үрдісі мен дағдарыстан кейінгі реал ескерілетін «Маастрихт плюс» атты ЕҚЫҰ-ның жаңа құжатын әзірлеу туралы бастаманы көтерді. Экономикалық қауіпсіздікті нығайтудың басымдығы, сондай-ақ қаржылық-экономикалық қауіпсіздікке баса назар аудару идеялары саммитке қатысушы елдер арасында толық қолдау тапты. Н.Ә. Назарбаев баяндамасында ядролық полигондардың бұрынғы аумақтарын жаңғырту, Арал мәселелері және басқа да өзекті экологияның жаһандық проблемаларды қарайтын қоршаған ортаны қорғау саласында ЕҚЫҰ экологиялық форумын құру туралы сөз қозғады. Н.Ә. Назарбаевтың ЕҚЫҰ Саммитіндегі негізгі бастамасы ұйымның еуро-атлант ұйымынан еуро-азия ұйымына ауысуы болды. Бұл төрт мұхиттың шекарасы: Атланттан Тынық мұхитына және Солтүстік мұзды мұхиттан Үнді мұхитына дейін ынтымақтастықтың бірегей кеңістіктікті қалыптастыруды білдіреді. Кездесу Еуразияның жүрегінде Нұр-Сұлтан қаласында өткенін ескерсек, Елбасының идеясының құнды екенін аңғаруға болады. жүктеу/скачать 343,45 Kb. Достарыңызбен бөлісу:
|