Алюминийді зерттеу кезінде (9кл.) "I, II, III топ элементтері" 9.2 С бөлімі бойынша эксперименттік сипаттағы практикалық-бағытталған тапсырманы көрсетіңіз.
№9 - ЗЕРТХАНАЛЫҚ ЖҰМЫС
Алюминийдің қышқыл және сілті ерітінділерімен әрекеттесуі
Реактивтер:алюминий түйірлері немесе жаңқасы ; тұз немесе күкірт қышқылдарының ерітінділері , калий гидроксиді немесе на трий гидроксидінің ерітінділері .
Химиялық ыдыстар мен зертханалық құрал - жабдықтар : сынауықтарға арналған түрғы ; сынауықтар .
Қауіпсіздік техникасы . Қыздырғыш құралдармен , қышқылдармен және сілтілермен жұмыс істеу ережесін сақтау .
Жұмыс барысы :
1 - тәжірибе . Сынауыққа 2 мл тұз қышқылын құйып , оған алюминийдің түйірін салыңдар . Не байқадыңдар ?
2 - тәжірибе . Сынауыққа 2 мл натрий гидроксидін құйып , оған алюминийдің түйірін салыңдар . Не байқадыңдар ?
Тапсырмалар :
1.Бақылаған құбылыстарыңды түсіңдіріп , алюминийдің химиялық қасиеттері жайлы қорытынды жасандар .
Алюминий екідайлы қасиеттер көрсетеді , яғни ол қышқыл ерітінділерімен де , сілті ерітінділерімен де әрекеттеседі . Алюминий сұйылтылған күкірт және тұз қышқылдарымен жылдам әрекет теседі :
2Al + 6HCl → 2AlCl3 + 3H2
2Al + 3H2SO4 → Al2(SO4)3 + 3H2
Ал концентрлі күкірт , азот қышқылдары алюминийдің бетінде берік қалың қабат түзіп , енжарландырады . Сондықтан бұл қышқылдарды алюминийден жасалған цистерналарға құйып тасымалдайды .
Достарыңызбен бөлісу: |
