| 2.Ньюкасл ауруының клиникалық белгілері. Ньюкасл ауруы (Morbus Newcastle, ньюкаслская болезень, псеводчума) – тауық тұқымдастығына жататын құстардың бәріне тән тыныс жолдары, ас қорыту мүшелері мен жүйке жүйесін зақымдайтын аса жұғымтал ауру. Қоздырушысы – Newcastle disease paramyxovirus, парамиксті вирустар туыстастығына жататын РНҚ-лы вирус.
Тауықтар 4-7 күн, шөжелер 24 сағат инкубациялық кезеңнен кейін ұйқы басып, тынысы тарылып, температурасы 43-44 градусқа көтеріледі, танау қуысында кілегей жиналады, ауыз арқылы дем алып, қарлыққан үн шығарады. Ауру көбінесе жіті түрде 1-4 күн, сирек жітілеу түрде 7-10 күн, кейде өте жіті түрде өтіп, 1-3 сағатта ауруға тән белгілері білінбей – ақ өледі.
Созылмалы түрі 2-3 аптаға созылады, ол арықтаумен, аяқ-қолдарының салдануымен сипатталады, ал ересек тауықтар латентті түрде ауырып, клиникалық белгілері білінбей, жұмыртқалауы төмендейді.
Жітілеу және созылмалы кезеңінде құстардың сезімталдығы жоғарылайды, дірілдеп құсады, мойны қайырылады, теңселіп, айналып жүреді.
Достарыңызбен бөлісу: |
