1 дәріс Өндірістік гигиена және санитария
жүктеу/скачать 138,65 Kb.
|
Лекция по ПС (1)
|
1 дәріс Өндірістік гигиена және санитария Адамның еңбек ету жағдайы белгілі бір өндірістік орта жағдайында өтеді. Гигиеналық талаптарды орындамаған кезде адамның денсаулығына және жұмысқа қабілеттілігіне қолайсыз жағдай туғызады. Өндірістік санитария дегеніміз – еңбектің дұрыс гигиеналық жағдайын жасайтын, жұмыстың адам ағзасына зиянды әсерін жоятын, кәсіби сырқаттардың орын алуына жол бермейтін санитарлық-техникалық шаралардың жүйесі. Ондай шараларға мыналар жатады: 1.Жұмыс орнында тиісті микроклиматты қамтамасыз ету; 2.Шаңның, будың және газдың ағзаға зиянды әсерін жою; 3. Жұмыс орнында шу мен дірілдің мөлшерін азайту немесе жою; 4.Жұмыс орнының тиісті жарықтылығын қамтамасыз ету; 5.Радиоактивтік заттардан сауықтыру жұмыстарын жүргізу; 6. Температурасы нормадан жоғары немесе төмен жұмыс орындарында еңбектің арнайы жағдайын жасау; 7.Санитарлық-тұрмыстық бөлмелердің болуы және оның қажетті заттармен жабдықталуы; 8. Қызметкерлердің арнайы киіммен және жеке қорғану құралдарымен қамтамасыз етілу; 9.Өндіріске жаңа техниканы, технологияны енгізу және автоматтандыру, еңбекті кешенді жарақтандыруға көшу. Дәрігерлік алдын-алу және санитарлық-гигиеналық шараларға – дәрігерлік бақылаудан өткізіп тұру, түрлі ауруларға қарсы егу мен өндірістік гимнастиканы жүргізу, қызметкерлердің тамақтануы мен демалуы, жеке гигиенасын қатаң сақтау жұмыстары жатады. Техникалық шараларға – техниканы және технологиялық үдерістерді жетілдіру, оларды зиянды өндірістік факторларды тудырмайтын әдістермен салыстыру, өндірістік үдерістерді механикаландыру, автоматтандыру және қашықтан басқаруды ұйымдастыру, жеткілікті жарықпен қамтамасыз ету жатады. Ұйымдастыру шараларына – қызметкерлерді жұмыс істеуге рұқсат ету талаптарын орындау, жұмыс орындарын дұрыс ұйымдастыру, еңбек және демалыс режимдерін қатаң сақтау, өндірістің жоғары мәдениетін қалыптастыру, өндірістік бөлмелер мен тұрмыстық бөлмелерде санитарлық ережелерді сақтау жатады. Өндірісте еңбек қауіпсіздік шараларын, санитарлық қолайлығын талаптарға сай қамтамасыз етуді, сондай-ақ, олардың өндірістік және тұрмыстық бөлмелерін еңбекке қолайлы етіп жасап шығару. Санитарлық-гигиеналық талаптардың қанағаттандырылмағаны тек қана кәсіптік ауруларға ғана шалдықтыра қоймай, сонымен қатар өндірістегі жарақаттанудың бірден-бір себебі болуы да мүмкін. Сондықтан да, өндірістік санитарлық-гигиеналық талаптарға сай жасалуы керек. Қорыта айтқанда, өндірістік санитария еңбек гигиенасының талаптарына сүйене отырып, еңбекте еңбекшіге дұрыс және зиянсыз жағдайларды қамтамасыз етуге бағытталған санитарлық-гигиеналық, емдеу-профилактикалық және ұйымдастыру-техникалық шараларын жасайды. Сондай-ақ әрбір адам өндірісте жеке бас гигиенасын сақтай білуі қажет. Жұмыс уақытының, тамақтанудың, демалудың, тазалық сақтаудың, өзін-өзі күте білудің орындалуы өте маңызды.Еңбек гигиенасы — қызметкерлердің денсаулығын сақтау, өндірістік орта мен еңбек процесінің қолайсыз әсерінің алдын алу жөніндегі санитарлық - эпидемиологиялық шаралар мен құралдар кешені. Атап айтқанда, еңбек гигиенасы еңбек процесстерінің және өндіріс ортасының адам ағзасына әсер етуін түсінеміз. Еңбек гигиенасы санитарлық – гигиеналық, ұйымдық және емдік профилактикалық шаралар, кәсіпкерлік аурулардың алдын алуына және еңбек шарттарының денсаулығын жақсартуға жіберуді қамтамасыз етеді. Өндірістік санитария — зиянды өндірістік факторлардың қызметкерлерге әсерін болғызбайтын немесе азайтатын санитарлық - гигиеналық, ұйымдастыру іс - шаралары мен техникалық құралдар жүйесі. Өндірісте еңбек қауіпсіздік шараларын санитарлық қолайлығын талаптарға сай қамтамасыз етуді, кәсіпорынның аумақтары сияқты, сондай ақ олардың өндірістік және тұрмыстық бөлмелерін еңбекке қолайлы етіп жасап шығару. Санитарлық - гигиеналық талаптардың қанағаттандырылмағаны тек қана кәсіптік ауруларға ғана шалдыра қана қоймай, сонымен қатар өндірістегі жарақаттанудың бірден бір себебі болуы да мүмкін. Цехтарда жоғары температураның болуы бірден барлық жұмысшылардың жағдайларын нашарлата бастайды, бас айналу және ұйқышылдық пайда болады. Ал төменгі температурада жұмысшыларға сырт киіммен жұмыс істеуге тура келеді, ол қозғалысты ауырлатады. Төмен (жаман) жарықтандыру кезінде жұмыс жасау көзге тез арада зақым келуін және ауыр жарақатқа әкеліп соғу мүмкіндіктерін туғызады. Цехтардағы ауа ортасының шаңмен және газдармен ластануы, сонымен қатар шуыл адам ағзасына өте зиянды. Санитарлық - гигиеналық талаптың жобалануы үшін, сондай - ақ кәсіпорындарды санитарлық - эпидемиологиялық талаптарға сәйкестендіріліп ескеріледі «СЭТ өндірістік объектілерді жобалау» (ҚР ДСМ №334, 08.07.05ж. бұйрығында). Құрылғыға гигиеналық талаптардың және өндірістік кәсіпорындардың өзіне келесі кезеңдерді қосады: құрылыс алаңын талдау; кәсіпорынды аумақтық сәулелендіру; өндіріс және қосалқы ғимараттардың орналасуы; канализация және сумен жабдықтау; отын жүйелерінің құрылысы, желдету және жарықтандыру, қосалқы бөлмелермен жабдықтау. Бұл барлық талаптар өнеркәсіпті жобалау кезінде және кәсіпорындардың қолданылуы кезінде міндетті болып келеді. жүктеу/скачать 138,65 Kb. Достарыңызбен бөлісу:
|