Президенттің «Интелектуалды ұлт-2020» бағдарламасы және оның маңызы

2010 жылы 1 ақпанда Қазақстанда «Интеллектуалды ұлт – 2020»

мемлекеттік бағдарламасы қабылданды. Бағдарлама мына негізгі үш басым бағыт негізінде жүзеге асырылуы тиіс болды.

Бірінші басым бағыты – білім беру жүйесінің инновациялық дамуы. Қазіргі таңда жастар тек білім алып қана қоймай, олардың өздігімен ізденуіне бағыттау қажет. Бүгінгі білім алудағы басты құндылықтар шығармашылық ой, алған білімді қорыта білу, шешім қабылдау, технологиялар мен инновациялар болып табылады.

Екінші басым бағыты – ақпараттық революция болуы тиіс, яғни ақпараттық технологиялар паркі базасында жетекші жоғары оқу орындары мен шет елдік беделді мамандарды қатыстыра отырып аймақтық университет ашу.

Үшінші басым бағыты - жастарды рухани құндылықтар негізінде тəрбиелеу ісіне ерекше мəн беру. Бұл жерде жаһандану үдерістерін назарға ала отырып, жас буынның рухани тəрбиесіне, ұлттық-мəдени құндылықтарымызды нығайтуға көңіл бөлу керек.