Жұмыс оқу жоспары Қазақстан Республикасы Білім және ғылым министрлігі бекіткен нысанға сәйкес құрастырылады.
Титул парағында оқу орны, мамандықтың (біліктіліктің) коды мен атауы, оқу нысаны мен білім беру базасы туралы мәліметтер, сондай-ақ келісу және бекіту туралы мәліметтер көрсетіледі. Ол қоса берілген нысан бойынша ресімделеді (3-сурет).
Білім беру ұйымының атауында заңды тұлғаны мемлекеттік тіркеу туралы куәлікке сәйкес білім беру ұйымының толық атауы көрсетіледі.
Мамандық пен біліктіліктің коды мен атауы Қазақстан Республикасы Білім және ғылым министрінің 2018 жылғы 27 қыркүйектегі No 500 бұйрығымен бекітілген ТжКБ мамандықтар мен біліктілік классификаторына сәйкес көрсетілген.
Білім алушыларды қабылдау туралы бұйрыққа сәйкес оқу нысаны (күндізгі, кешкі, сырттай) және білім беру базасы (негізгі орта білім, жалпы орта білім, техникалық және кәсіптік білім беру) көрсетіледі.