Ішкі орта ұлпаларының қызметтерін түсіндіріңіз

Ішкі орта ұлпалары дегеніміз сыртқы ортамен қарым қатынасқа түспейтін атқаратын қызметі жағынан әр түрлі  болып келетін ұлпалар тобы.  Ол аты айтып тұрғандай жануарлардың адамдардың ішкі ортасын құрайтын ұлпалар. Сонымен оған жататындар қан, лимфа, дәнекер ұлпалары. Дәнекер ұлпасы морфологиялық жағынан борпылдақ, тығыз, ретикула, шеміршек, сүйек ұлпаларына бөлінеді. Негізгі клеткада ең ұзақ өмір сүретіндері фибробласттар. Борпылдақ ұлпасының фибробласттары дәнекер ұлпасының бсқа түрлерінің механоциттері біртектес өсе бастаған ұрықтан пайда болады, гистогенезде бұл ұлпалардың ерекшеліктері айқындалады. Ішкі орта ұлпаларының негізгі ерекшеліктері  олардың клеткааралық заттары яғни стромалары жақсы жетілген. Олар клеткаларды бір бірінен алшақтатады. Клеткаларында полярлы қасиет болмайды. Ал қан, лимфа және борпылдақ ұлпасы организмді қоректік заттармен қамтамасыз етеді, сондықтанда оларды трофикалық ұлпалар қатарына жатқызады. Сонымен қатар олар организмді енген бөгде заттардан, инфекциялардан қорғайды. Қан клеткалары бактерияларды фагоцитоз арқылы жояды және антиденешіктер жасайды. Сонымен қатар олар клетка аралық заттардың химиялық, каллоидті құрамын тұрақтандырады. Эволюция барысында ішкі орта ұлпалары эпителиймен бірге және өте ерте дамитын ұлпа. Және олар жалпы алғнда мезенхимадан дамиды.