Авторитарлық стиль: мұғалімнің жеке басының үстемдігіне негізделген басшылық, мұғалім әрбір оқушының іс-әрекетін тек өзі анықтайды, ал оқушылар оны бұлжытпай орындауға міндетті.
Либералдық стиль: мұғалімнің іс-әрекеті аздау, ал оқушылар өз шешімдерін қабылдауда толық еркіндік алады.
Демократиялық стиль: басшылық бөлінеді, басшылыққа оқушылар да да қатыстырылады, жауапкершілік бөлінеді.
Тақырып бойынша білімді тексеру мен бақылауға арналған тапсырмалар
1. Педагогикалық мамандықтың пайда болуы мен қалыптасу жолдарын ашып көрсетіңіз.
2. Педагогикалық мамандықтың өзгешелігі, оның гуманистік сипатының мәні неде?
3. Қазақстан Республикасының нормативтік құжаттарында анықталған қазіргі заман мұғаліміне қойылатын кәсіби талаптар және оның құқықтары мен міндеттерін ажыратып көрсетіңіз.
4. Кәсіби педагогикалық іс-әрекеттің мәні, құрылымы мен мазмұнын ашыңыз.
5. Мұғалім іс- әрекетінің объектісі – педагогикалық үдерістің мәні неде?
6. Педагог-мұғалім және тәрбиеші іс-әрекетінің ерекшеліктерін ашып көрсетіңіз.
7. Педагогикалық іс-әрекеттің қандай функциялары бар?
8. Мұғалімнің педагогикалық іс-әрекетінің стиліне сипаттама беріңіз.
