3-басымдық – макроэкономикалық тұрақтылық. Мұндағы басты міндет – ақша-несие саясатының ынталандырушы рөлін қалыпқа келтіру және экономиканы қаржыландыруға жекеменшік капиталды тарту. Инфляция деңгейін кезең-кезеңмен 3-4%-ға дейін төмендету. Еліміздің қаржы секторын «қайта жаңғырту». Ұлттық банкке банк секторын қалыпқа келтіру жөнінде шаралар кешенін әзірлеу тапсырылды. Банктердің балансын тиімсіз несиелерден арылту жұмысын жеделдету. Банктердің ахуалына жедел бақылау орнату үшін Ұлттық банкке көбірек құқық беру. Ұлттық банк инфляция ғана емес, Үкіметпен бірге экономиканың өсуі үшін де жауапты болуға тиіс.
Қор нарығын одан әрі дамыту. Халықтың жинаған өз қаражатын ең алдымен түрлі бағалы қағаздарға инвестициялау мүмкіндігін одан әрі арттыру. Салық-бюджет саясатын жаңа экономикалық жағдайға бейімдеу. Бюджет шығыстарының тиімділігін түбегейлі арттыру қажет. 2017 ж. мемлекеттік даму бағдарламалары қажетті ресурстармен толықтай қамтамасыз етілді. Министрліктер мен ведомстволардың қаражатты игеруінің тиімділігін тексеру. Республикалық бюджеттің 40%-дан астамын құрайтын Денсаулық сақтау, Еңбек және халықты әлеуметтік қорғау, Білім және ғылым министрліктерінен бастау керек. Тиімсіз бағдарламалардың қаражатын Үшінші жаңғырту міндеттерін іске асыруды қамтамасыз ететін бағдарламаларға қайта бөлу қажет. Орталықсыздандыру саясатын жалғастыру. Әкімдер өңірлік және жергілікті маңызы бар мәселерді шешуге тиіс, ал Үкімет жалпымемлекеттік мәселелерге ден қоюы қажет.
