10-сынып І тоқсан

Топ мүшелері А3 қағазына пьесадағы кейіпкерлердің мінезі мен сыртқы бейнесін сипаттайтын менталдық карта дайындайды.

Менталдық карта аяқталған соң, мұғалім оқушыларға сын есімнің жасалу жолы, түрлері туралы қысқаша ақпарат беріп өтеді.

Жұптық жұмыс

Оқушылар бірге дайындаған менталдық картадағы сын есімдерді дәптерлеріне жасалу жолы мен түріне сай талдайды.

«Кейіпкердің мінезінің өмірі мен болашағына әсері қандай?» сұрағына оқушылар драмалық шығармадағы 1 кейіпкерді таңдай отырып, жауап жазады.

1. 
   Тақырыптан ауытқымайды;
   
2. 
   Кемінде 7 сөйлем жазады;
   
3. 
   Кемінде 4 сын есімді қолданады.
   

Қамажай – бауырмал әрі өте мейірімді жан. Оның бауырмалдығы ата-анасыз өскен бауырларын жетімсіретпеуге көмектесті. Бауырлары Қамажайды анасындай сыйлады. Қамажай тым мейірімді болғандықтан, Тимур кей кезде әпкесімен тым дөрекі сөйлесті. Ал, Кәмила тіпті оның кеңесін де тыңдамайды. Кейін мерейтойына бауырларының әр түрлі себептермен келмеуі Қамажайдың еш нәрсеге ренжи қоймайтын мейірімділігінің нәтижесі.