Алдыңғы білім
Оқушы 10-сыныпта меңгерілген тілдік түсінік пен дағдыларға сүйенеді. Бөлімде қалыптасатын тілдік дағдылар «Қазақ киносы мен театрының қазіргі келбеті» тақырыбы аясында дамиды. Тақырыпқа қатысты мәліметтерді ғаламтор көзінен, қосымша ақпарат құралдарынан (энциклопедия, көркем әдебиет, оқу құралдары, БАҚ ) алуға болады. Мәліметтер «Қазақ киносы мен театры» тақырыбы бойынша жинақталады. Тапсырмалар оқу мақсаттарына сәйкестендірілуі керек. Оқушыларға ұсынылатын ақпарат қазақ киносы мен театрының қазіргі ахуалы, жетістіктері мен мәселелері туралы түсінік береді. Бөлімде Д.Исабековтің «Әпке» драмасымен қатар, «Қыз Жібек» жырының фильмі мен театрлық қойылымына тоқталады. Жұмыс жасау формалары (жеке, жұптық және топтық) оқу мақсаттары мен тапсырманың ерекшелігіне қарай ұйымдастырылады. Оқушылар тапсырмаларды ауызша және жазбаша орындайды. Жұмыс нәтижесін мұғалімнің өзі немесе оқушылар өзара бағалайды. Бағалау оқу мақсаттарының жетістік критерийлері негізінде іске асырылады. Пәнаралық байланыс: «Қазіргі әлемдегі Қазақстан», «Өнер» пәндерімен өзара байланыста оқытылады.
|
