Оқылымнан кейінгі тапсырма. Оқушыларға арнайы терминдер, тілдік оралымдар, мәтін үзінділері беріледі, оқушылар осыны басшылыққа алып сұхбат жүргізеді.
Ғылыми стильдің тілдік көріністері. Сөздер тура мағынасында қолданылып, дәл айтылады. Образды сөздер аз, термин сөздер көп кездеседі. Ой күрделі баяндалып, анықтама, дәлелдеме, формулаларға негізделеді.
Ғылыми стильдің мақсаты — заттар мен құбылыстардың жалпы ерекшелігін ашып, мәлімет беру.
Көркем әдебиет стилінің көркем сөз — ойды, сезімді образ арқылы бейнелейтін айрықша өнер. Тілдің көркем шығармада ерекше эстетикалық қызмет атқаратындығымен қоса, ол көпшілікке рухани тәрбие береДІ.
Бауыржан Момышұлы «Ұшқан ұя» Алматы қ «Жазушы баспасы» 2006ж;
http://mazhab.kz/kk/maqalalar/din-men-dastur/synsu-1212/
Әртүрлі жанрда мәтіндер құрастыру
10.3.1.1- ғылыми-көпшілік стильдің жанрлық және стильдік ерекшеліктеріне сай тілдік құралдарды орынды қолданып, мақала, интервью, нұсқаулық жазу.
Жазылым алды тапсырма. ЖЖ «Саяхаттаушылар ақпараты» әдісі: сыныптың әр бұрышына мұғалім мәдениет пен өркениет туралы ақапарттарды немесе сөйлем, сөздерді ақ параққа жазып іліп қояды. Оқушылардың қолдарына сол сөз немесе сөйлемдердің жауабын немесе сұрағын карточкаға жазып береді. Оқушылар сыныпты айналып жүріп, өзінің қолындағы тапсырмаға қатысты парақты табады. Барлығы тауып болған соң, бірлесе жүріп, әр парақтың жанына барады. Өз парағының жанына келгенде, сол оқушы өзіне қатысты ақпаратты түсіндіреді.
Жазылым тапсырмасы. Алдымен оқушыларға газет – журналдар таратылады. Жеке тапсырма ретінде лексикалық тақырыпқа сәйкес мақаланы оқиды.
Содан кейін төмендегі тапсырманы ретімен орындайды:
мақаланың өзектілігі қандай екендігін анықтайды;
ақпараттардың негізі қандай?
мақала кімдерге арналған?
Бұл тапсырманы жұпта орындап, талқылайды, содан соң топта мақала жазады.
