19 ақпан.АДР –дағы жеке әскер құрамаларын қаржыландыру және жеңілдіктер беру туралы КСРО Мин. Кеңесінің №152-45 қаулысы қабылданды.
Ақпанның аяғы. Кабулда үкіметке қарсы жаппай қозғалыс өтті, КСРО елшілігі атқыланды, Бірнеше кеңестік азамат қаза тапты.Оппозицияның қарулы отрядтарын АДР армиясымен бірігіп талқандау туралы Ауғанстандағы кеңестік әскери қолбасшылығына тиісті нұсқаулар түсті.
Ақпан- наурыз. Кунар уәлаятында көтерілесшілерге қарсы ірі операция жүрді.Оған екі ауған батальоны және генерал-лейтенант В.Ф.Меримский басқарған Кеңес әскери бөлімшелері қатысты.Мамыр айында Кунарда 40-армияның қатысуымен тағы бір операция жүргізілді.
27 сәуір. Исламабад қ-нда алты біріккен оппозициялық ұйым басшыларының баспасөз мәслихаты өтті. Бұл альянстың алдарына қойған негізгі мақсаты- Ауғанстанды «атеистік» режимнен азат ету және Құран қағидалары мен Мұхаммед пайғамбардың іліміне сай келетін шынайы ислам мемлекетін құру болды.
Қыркүйек. 40-армияның қолбасшысы генерал-лейтенант Тухариновтың орнына генерал-лейтенант Б.И.Ткач келді.
Көктем.40-армияның қатысуымен Пактия және Газни уәлаяттарында жауынгерлік іс-қимылдар жүргізіліп , 1-Панджер операциясы болып өтті.
Жаз. Жауынгерлік іс-қимылдар Хазараджат және Логарда болды.
Күз. 2-Панджер операциясы , Нангархар уәлаятында ұрыс әрекеттері болып өтті.
Қараша – желтоқсан. Тікелей Кабулға жақын орталық уәлаяттарында ірі масштабты, нәтижелі «Соққы беру» операциясы өтті.
1981ж.
Кеңес әскерінің шектеулі контингенті 1298 адамынан , оның ішінде 97 қазақстандықтан айырылды.
Сәуір. 3-Панджер операциясы сәтті өтті.
10 мамыр.Армия генералы А.М.Майоров , генерал-лейтенант В.П.Черемных Кармаль басқаратын АДР үкіметінің елдегі жағдайды тұрақтандыруда дәрменсіздігі туралы жазылған баян хатты Устиновқа жолдады.
Мамыр. Ахмад Шах Масуд отряды ауғанстанның астанасы Кабул қ. Маңындағы жағдайды шиеленістірді.
