6. «Аң стилі», «полихромдық стиль» терминдеріне анықтама беріңіз. «Аң стилі»- Б.з.б VІІІ ғасырдан бастап Еуразия далалы аймақтар өңірінде аңдарды бейнелеу - аңдық стиль пайда болды. Оның негізгі тақырыбы - аңдарды және аңыздағы ғажайыптарды бейнелеу.
«Полихромдық стиль» -қолданбалы өнер түрлерінде, сондай-ақ сәулет, мүсіндеу өнерінде жиі қолданылатын безендіру тәсілі. Басты ерекшелігі – беріліп отырған негізді (яғни затты, қабырғаны, т.с.с.) әр түсті материалдарды пайдалану арқылы сәндеу болып табылады.
7. «Референдум», «Конституция» терминдеріне анықтама беріңіз. Референдум — мемлекеттік маңызы бар мәселені халықтың дауысына салу.
Конституция, Ата Заң— Мемлекеттің негізгі заңы, елдегі барлық басқа заңдарға қатысты жоғары заңды күшке ие заң немесе заңдар тобы болып табылады.
8. «Полиэтнос», «моноэтнос» терминдеріне анықтама беріңіз. «Полиэтнос»-бірнеше этникалық және ұлттық таоптардан, дасипоралардан тұратын қоғам.
«Моноэтнос» -құрамы бір ғана этникалық топтан тұратын ұлттық құрылым.
9. «Этногенез», «этнос» терминдеріне анықтама беріңіз. «Этногенез»- этностың шығу тегі, этникалық тарихы. Әр түрлі қауымдық топтар негізінде жаңа құрамдағы туыстас тайпаның немесе халықтың қалыптасуы.
«Этнос»-ортақ белгілері (шығу тегі, тілі, мәдениеті, шаруашылық қызметінің үлгісі, аумағы, сыртқы түрі, менталитеті мен өзіндік санасы) бойынша біріккен, адамдардың тарихи қалыптасқан, орнықты жиынтығы.
10. «Рабад», «киіз үй» терминдеріне анықтама беріңіз. Рабад- ортағасырлық қалалардың қарапайым халық тұратын шеткі бөлігі.
Киіз үй — Орталық және Орта Азия халықтарының көшпелі тұрғын үйі. Көшіп-қонуға ыңғайлы үй. Киіз үй кеңістігі бес бөлікке бөлінеді: ошақ, қонақтарға арналған орын, ер адамдарға арналған, әйелдерге арналған бөлік, босаға. Киіз үйдің орталығы-ошаққа арналған орын. Киіз үйдің күмбезі- Аспанның, шаңырақ- Күннің, ошақ пен киіз үйдің дөңгелек кеңістігі Жердің нышанын білдіреді.
11. «Доктрина», «зайырлылық» терминдеріне анықтама беріңіз. Доктрина- іс-әрекет жасауға бағыт беретін нақты нұсқаулар жиынтығы.
Зайырлылық -мемлекеттің діннен, діннің мемлекеттен бейтараптылығы және ар-ождан бостандығы. Зайырлылық сипаты — ізгілік пен қажеттілік болып табылады.
