Ақпараттандыру ұғымы. Ақпараттық революция. Қоғамды ақпараттандыру. Қазіргі қоғамды ақпараттандырудың, оның ішінде, білімді ақпараттандырудың ерекшіліктерін айтпас бұрын, «ақпарат» атауының мазмұнын анықтап алу қажет.
Жер бетінде адамдардың пайда болғаннан бастап, адамдар әртүрлі ақпараттарды жинап, ой елегінен өткізіп, өңдеп, сақтап және тарата бастады. Содан бері адамзат үнемі ақпаратпен жұмыс істеп келеді.
Алғашқы ақпараттық хабарламаға тастағы суреттерді жатқызуға болады. 100 мың жыл бұрын ауызша сөйлеудің пайда болуына байланысты адамзат ақпаратты, яғни әр адамның жадысында жекеше, өзі жинай бастады.
5-6 мың жыл бұрын жазудың пайда болуы байланысты адамзатта ұжымдық жадыға сақтау қалыптасты. Осы уақытта негізгі ақпараттық процесс (үдеріс): ақпаратты жинау, тарату, өңдеу, сақтау және қолданушыға жеткізу пайда болды. Әртүрлі материалдық тасымалдаушылардың пайда болуына байланысты ақпаратты пайдалану мүмкіндігі туды. Ақпарат алғашқыда тастарға, жануарлардың терісіне, пергаментке, папирусқа, ағаш тақтайшаларға, маталарға кейіннен қағазға жазыла бастады.
«Ақпараттың» нақты ғылыми анықтамасы жоқ. Бұл терминнің 300-ден аса анықтамасы бар. «Ақпарат» түсініктеме, мәлімет, хабарлама мазмұны, кеңістік пен уақытта таратуды ескеретін мәлімет деген мағынаны білдіреді. Ақпараттың ең негізгі ерекшелігі – ол бар адамға интуитивті түсінікті, екінші жағынан оның ғылыми дәл анықтамасын беру мүмкін емес, сондықтан ақпарат туралы ұғым қолданылады
