20.2-мысал. Бір гидрозольдің коагуляция табалдырығы стаб(СаС12) = 0,3 моль/л; cтаб(Na2SО4) = 0,0209 моль/л. Осы золь бөлшектері зарядтарының таңбасы қандай?
Шешуі. Берілген коллоидтық ерітіндіге қатысты натрий сульфатының коагуляциялық қабілеті кальций хлоридінің коагуляциялық қабілетінен жоғары. Шульце-Гарди ережесі бойынша электролиттің коагуляциялық қабілеті коагуляциялаушы ионның заряды жоғары болған сайын артып отырады. Na2SО4 аниондарының заряды СаС12 аниондарының зарядына карағанда жоғары, олай болса, коагуляциялаушы иондар — аниондар. Сондықтан коллоидтық ерітіндінің бөлшектері оң зарядталған.
