5В011100-«Информатика» мамандығына арналған «Есеп шығару әдістемесі»

№ 19, 20 практикалық сабақтың тақырыбы: Функцияны қолданып программалау.

1. 
   Үш натурал сандар берілген. Олардың ең үлкен ортақ бөлгішін (ЕҮОБ) анықтайтын функцияны құру керек.
   
2. 
   Натурал N саны берілген. Ол екі x және y бүтін сандарының квадраттарының қосындысына тең болатын болса N=x²+y², онда x, y сандарын анықтайтын функцияны құру керек.
   
3. 
   Натурал N саны берілген. K²-қа бөлінетін және K³-қа бөлінбейтін барлық натурал K-ларды табу керек.
   
4. 
   Егер N цифрдан тұратын натурал санның цифрларының қосындысын n-ші дәрежеге шығарғанда, сол санның өзіне тең болатын болса, ондай сан Армстронг саны деп аталады (мысалы, 153=1³+5³+3³ ). Екі, үш және төрт цифрдан тұратын барлық Армстронг сандарын табу керек.
   
5. 
   Екі ұшбұрыштың төбелерінің координаталары берілген. Олардың қайсысының ауданы үлкен екенін анықтау керек.
   
6. 
   Жазықтықтағы үш түзу a_kx+b_ky=c_k (k = 1,2,3) теңдеулерімен берілген. Егер ол түзулер қос-қостан қиылысып, үшбұрыш құрайтын болса, сол үшбұрыштың ауданын табу керек.
   
7. 
   Екі жай санның бір-бірінен айырмашылығы 2-ге тең болса, олар “егіздер” деп аталады (мысалы, 41 және 43 сандары). [n, 2n] аралығындағы барлық ―егіздерді анықтау керек, мұндағы n–2-ден үлкен бүтін сан.
   
8. 
   Нүктеден шеңбер центріне дейінгі қашықтықты табу функциясын қолданып, 8 элементтен тұратын нүктелер массивінің центрі (1,1), радиусы R шеңберге тиісті нүктелерінің санын табыңдар.
   
9. 
   Табаны а-ға тең, биіктігі 2-ден 6-ға дейін 0,5 қадаммен өзгеретін үшбұрыштардың орташа ауданын, үшбұрыш ауданын табу ішкі программасын қолданып есептеңдер.
   
10. 
    n нүктенің жазықтықта координатасы берілген. Екі нүктенің ара қашықтығын табу функциясын қолданып, берілген нүктелерден координаталар басына дейінгі қашықтықтарды табыңдар.
    
11. 
    n! –ды табу функциясын қолданып, алғашқы 10 жұп натурал сандардың факториалдарын табыңдар.
    
12. 
    Екі нүктенің ара қашықтығын табу процедурасын қолданып, төбелері берілген үшбұрыштың периметрін табыңдар.
    
13. 
    Берілген натурал санның жәй сан екенін анықтау процедурасын қолданып, N-нен кіші барлық жәй сандарды табыңдар.
    
14. 
    Пифагор сандарын табу ішкі программасын қолданып, берілген n-нен кіші барлық Пифагор сандарын табыңдар (а,в,с натурал сандар Пифагор сандары деп аталады, егер а²+b²=c² шарты орындалса).