9-сыныпқа арналған қазақ тілі пәнінен бөлім бойынша тоқсандық жиынтық бағалау І тоқсан 1-бөлім. «Мәңгілік Ел – Мұратым»

• 
  күрделі жоспар құрады;
  
• 
  мәтін құрылымына талдау жасап, негізгі ойды анықтайды;
  
• 
  жанры мен стилін анықтайды;
  
• 
  тыныс белгілерін дұрыс қойып жазады;
  
• 
  тест сұрақтарына жауап береді.
  

Орындау уақыты: 40 минут

Ел ішіндегі тұрақтылық пен тұтастықтың бірқалыпты дамуының шешуші факторы болып табылатын ұлттық бірлік қоғамдық келісімге бастайды. Ал бұл құндылықтар «Мәңгілік ел» жалпыхалықтық идеясында көрініс тапқан. Мәңгілік елге айналу үшін тәуелсіздікті сақтап, елдігімізді нығайту басты мақсат болып табылады, өйткені тәуелсіздік ұғымы халқымыздың мұраты, ғасырлар бойғы арманына айналған, сонау алаш тұлғаларының зердесі мен өнегесімен келген аманат дүние болатын. Бұл Елбасымыздың: «...біздің бір ғана Отанымыз – тәуелсіз Қазақстан. Біз болашаққа көз тігіп, тәуелсіз елімізді «Мәңгілік Ел» етуді мұрат қылдық. Осы идеяны әрқайсысымыз сезініп, өмірлік сабақ ретінде түйсек, осы жолда бар әлеуетімізді салсақ, 2050 жылы мұрат еткен «Мәңгілік Елге» жететінімізге сенімдімін..., ...өткен тарихымызға тағзым да, бүгінгі бағытымызға мақтаныш та, гүлденген келешекке сенім де «Мәңгiлiк Ел», – деген сөздерімен толыға түседі. «Мәңгілік Ел – ата-бабаларымыздың сан мың жылдан бергі асыл арманы. Ол арман – әлем елдерімен терезесі тең қатынас құрып, әлем картасынан ойып тұрып орын алатын Тәуелсіз Мемлекет атану еді.

2-тапсырма. Оқылым мәтінінің құрылымына 2-3 сөйлеммен талдау жасап, жанры мен стилін анықтаңдар.