Дауылбай – болыс. Рысқұлдың туған ағасы Бердіқұлды жер мен суға таласып жазықсыз өлтірген, ұрдажық, шаш ал десе бас алатын сойыл соғар шабармандары көп Дауылбай болыс, түбі бір туыс, шежіре тарқатса, Шымыр, соның ішінде Сәлік атасынан тарайды. Дауылбай болыс Рысқұлдың батыр бабасы, Қоқан ханы Шерәлімен қанды шайқаста қаза болған, Байзақтың қол астында жүзбасы болған Әлібектен қалған күміс ер-тоқымды оязға беріп, жағынып қалғысы келеді.
Ізбайша – Рысқұлдың әйелі, «Етегінен ұстап жүрсем Барсакелмеске кетуге де разымын» деп ерінің артынан кетуге дайын.
Саймасай – бай. Саймасай мен Рысқұл арасындағы ымырасыздық, дау-жанжал ұзақ уақыт жалғасып, әбден ушығады. Саймасай – Қызыл жебедей жүйрікке ие бола алмасын білгенде, қызғаныштан жаман әрекетке барады. Рысқұлға ұрлатып алып, жүйрікті дереу бауыздатып жібереді.
