Тамақтан улану және олардың алдын алу тамақтан улануға құрамында ауру микроағзалары немесе олардың
токсиндері немесе тегі микробты емес ағза үшін басқа улы заттары
бар тамақты жегенде пайда болатын әртүрлі аурулар жатқызылады.
ішек инфекцияларына қарағанда, тамақтан улану контагинозды емес,
ауру адамнан сау адамға берілмейді. бұл аурулар көптеген адамдарды
қамтитын жаппай ауыру түрінде пайда болады. тамақтан улануға
кенет басталу және қысқа уақыт болу тән.
уланулардың пайда болуы, әдетте, құрамында зиянды заты бар
белгілі бір тамақ өнімін тұтынуға байланысты. Құрамында зиянды
заттары (пестицидтер, қорғасын) бар тамақ өнімдерін ұзақ уақыт
тұтыну жағдайларында тамақтан улану созылмалы аурулар түрінде
де жүреді. уланудың клиникалық белгілері, әдетте, асқазан-ішек
жолының бұзылуымен сипатталады. бірақ бірқатар жағдайларда бұл
белгілер (ботулизм, қорғасын қосылыстарымен улану және т.б.) бол-
майды. тамақтан улануға балалар, қарт адамдар мен асқазан-ішек
жолы ауруларымен ауыратын адамдар сезімтал болып келеді. Олар
уланудың, әдетте, ауыр түрімен ауырады.
