III. Қан инфекциялары. бұл аурулар тобының қоздырғыштары,
негізінен, қан мен лимфада таралады. науқастың қанындағы инфек-
ция сау адам қанына тек қана сорғыш жәндіктер арқылы беріле
алады. Осы топ инфекциясымен ауыратын адам тасығыштар болмаса,
қоршағандарға қауіп төндірмейді. бұған оба (өкпелік түрі) жатпайды.
Қан инфекциялары тобына бөртпе және қайталама сүзегі, маусымдық
энцефалиттер, безгек пен басқалары жатады.
IV. Сыртқы тері инфекциялары. бұл ауруларда қоздырғыштар,
әдетте, зақымдалған сыртқы тері арқылы кіреді. Оларға жыныс жолы-
мен берілетін венерологиялық аурулар; қоздырғышы ағзаға жаралық
жолмен түсетін сіреспе; жануарлардан тікелей немесе споралар-
мен ластанған тұрмыстық заттар арқылы берілетін сібір күйдіргісі;
шырышты қабықтар мен басқалары арқылы жұғатын маңқа мен аусыл.
сонымен қатар кейбір ауруларда (оба, туляремия, сібір күйдіргісі мен
басқалары) инфекция бірнеше жолмен берілетінін де атап өту керек.
