Туған жерге сағыныш
Заңғар-заңғар тауы бар, өзені бар,
Сынға толы тарихи кезеңі бар.
Туған жерім, киелі топырағым,
Саған деген сағынышты кімдер ұғар?!
Сапар шегіп қадіріңді түсіндім,
Кері қарап, өткеніме күрсіндім.
Сендегі уақыт-алтынменен тең екен,
Сынағынан қалай өтем бұл сынның?
Шуақты күн ызғар төкті қаһарлы,
Сенсіз, міне, сұрықсыз таң атады.
Жүректегі сағыныш-туған жерім,
Өзіңді ойлап әрбір күнім батады.
Алыстасың, жырақсың, шалғайдасың,
Бірақ әркез ойымда, армандасың.
Өзіңдей мамыражай туған жерді,
Қазақтан әр азамат армандасын!
Достарыңызбен бөлісу: |
