2.1.6.1 Интонацияны, вербалды емес тілдік құралдарды (қимыл, ым-ишара) қолданып, тақырыпқа (Сіз қалай ойлайсың? Сіз не ұсынар едіңіз? т.б.) назарын аударту
Бағалау критерийі
Білім алушы
Сөйлеу барысында дауыс ырғағын/ вербальды емес тілдік құралдарды орынды қолданады.
Ойлау дағдыларының деңгейі
Қолдану
Тапсырма Өлеңді мұқият тыңда.
Денсаулық
Денсаулық ол – шыныққан
Барлық денең мүшесі.
Денсаулық ол - тыныққан
Жүйке тамыр жүйесі.
Денсаулық ол - күлуің
Көңіл-күйің жадырай,
Денсаулық ол – жүруің,
Ешбір жерің ауырмай.
Қара айнаға, көресің
Өзіңді – адам денесін.
Қол - аяғың, басың бар,
Бұған кеуде қосылар-
Құрылысың бұл сыртқы.
Көрінбейді жүрегің,
Өкпе, миың, бүйрегің-
Құрылысың бұл ішкі.
Сымбат - мүсін дегенің
Бітім – көркі денеңнің.
Сымбат – жүру әдемі,
Дене қалпын тік ұстап:
Көтеріп сәл кеудені,
Иық жазып дұрыстап.
Түзу отыр, қисаймай,
Бүкіреймей, жантаймай.
Күш сап бас пен арқаға,
Жатып алма партаға.
Өлеңнің мазмұнына сүйеніп, «Денсаулық –зор байлық» тақырыбында әңгіме құрастырып айт. Сөйлеу барысында ым-ишараны/қимыл-қозғалысты/дауыс ырғағын пайдаланып, тыңдарманның назарын аударуға тырыс.
Дескриптор
Білім алушы - денсаулық туралы жүйелі мәтін құрастырады;
- сөйлеу барысында екпінді, дауыс ырғағын сақтайды;
- вербалды емес тілдік құралдарды қолданады.
