Алматы 2010 Мұхаммед Юсуф Кандахлауи
осы мәселе бойынша Әбу Қатада
жүктеу/скачать 1,93 Mb. Pdf көрінісі
|
sahabalar omiri
| осы мәселе бойынша Әбу Қатада
туралы риуаят Әбу
Қатада (р.а.)
айтады: «Хунейнге Пайғамбарымызбен бірге жорыққа шықтық. Жол- да мүшріктермен кездесіп қалдық. Мұсылмандар кері шегініп, бет-бетіне тарай бастады. Осы ұрымтал тұсты ұтымды пайдаланып қалғысы келген бір мүшрік әлдебір мұсылманның үстіне шығып алып, оның ту сыртынан бас-көзге төмпештеп жатқанын көрдім. Де- реу мүшріктің арқасына қылыш сілтеп, сауытын қақ айырдым. Ол әбжілдік танытып қапсыра құшақтап менің өзіме ұмтылды. Мені қышқыштай қысқаны соншалық – демім үзілетін шығар деп ойладым. Алай- да, көретін жарығым бар екен, оның өзі өліп, мен аман қалдым. Жүгіріп отырып Омарға бардым. «Адамдарға не болған?» – деп сұрап едім, «Аллаһтың қалауы», – деп жауап берді ол. Осыдан соң тарыдай шашылып, талқаны таусыла жаздаған мұсылман әскері жұдырықтай 451
Ибн Кәсир, әл-Бидая 4/318 433 Сахабалардың бірлік пен ынтымақтастыққа мән беруі жұмылып, жаңа күшпен шабуылға шығып, жеңіске қол жеткізді. Шайқастан кейін Пайғамбарымыз: «Кім жа- уын жер жастандырса және өзінің бұл ерлігін байқаған куәгері болса, сол өлген адамның бұйымдары оған тиес- ілі», – дейді. Мен орнымнан тұрып: «Кім маған куәгер болады?» – деп сұрадым. Ешкім үндей қоймаған соң, қайта отырдым. Пайғамбарымыз (саллаллаһу аләйһи уә сәлләм) осы
сөзін бір емес, үш мәрте қайталады. Әрбірінде мен де түрегеп: «Кім маған куәгер болады?» – деп сұраумен болдым. Тағы бір түрегелгенімде, Пайғамбарымыз (с.а.с.) «Әй, Әбу Қатада, сен не айтпақсың?» – деді. Мен болған жайтты айтып бердім. Арамыздан біреу: «Әбу Қатада дұрыс айтады, ол өлтірген мүшріктің зат- тары менде. Менің атымнан оның ризалығын ал», – дейді. Сол кезде Әбу Бәкір сөзге араласып: «Жоқ, бол- майды. Егер Аллаһ расулы сол өлген адамның заттарын саған берсе, Аллаһ пен расулының жолында соғысқан мүжаһидтің көпе-көрнеу ақысын жеген болады», – деді. Пайғамбарымыз: «Әбу Бәкір дұрыс айтады. Өлген адамның заттарын Әбу Қатадаға беруің керек», – дейді. Ол сөзге келген жоқ. Мен оларға Бәни Сәләма жерінен бір құрма бауын сатып алдым. Ислам дініне кіргеннен кейінгі алғашқы меншігім осы құрма бауы болды» 452 .
жүктеу/скачать 1,93 Mb. Достарыңызбен бөлісу:
|