Шонданай– os ishii – жуан денесінен – corpus ossis ishii және тармақтарынан – ramus ossis ishii тұрады. Денесінің артқы бетінде қылқаны – spina ishiadica бар, қылқанның жоғарғы бөлігінде отырықшы сүйектің үлкен тілігі – incisura ishiadica major, ал төменгі бөлігінде кіші тілігі – incisura орналасқан. Жоғарғы тармағының алдыңғы бетінде жапқыш тесіктің алдыңғы төмпешігі – tuberculum obturatorium anterior, ал артқы бетінде отырықшы сүйектің төмпесі - tuber ishiadicum бар.
Қасаға, шат сүйегі – os pubis – денеден – corpus ossis pubis, жоғарғы, төменгі тармақтардан – rami superior et inferior ossis pubis және жапқыш тесіктен - тұрады. Қасаға мен отырықшы сүйектен жапқыш тесік пайда болады.
Жоғарғы тармағының жоғарғы бетінде шаттық қыра – pectin ossis pubis байқалады.осы қырқаның төменгі жиегі сүйірленіп жапқыш тесіктің қырқасын - crista obturatoria құрайды. Ал төменгі бетінде саласы – sulcus obturatorius байқалады. Ал алдыңғы бетінде шаттық бұрыш – angulus pubis орналасқан. Осы бұрыштың бетінде бұдырлау келген шат сүйегінің симфиздік буын беті – facies symphisialis орналасқан.
