Анатомия – 120 ом

Соңғы XI-XII қабырғалардың алдыңғы ұштары бос болады, олар қозғалмалы, кезеген қабырғалар – costae fluctuantes. Қозғалмалы қабырғалар басқаларға қарағанда қысқалау және төс сүйекпен байланыспайды. XII қабырға жұбы рудименттік түзіліс ретінде басқа қабырғаларға қарағанда күштірек өзгереді.Осы қабырғаның екі пішіні ажыратады: қылыш тәрізді, яғни ол ұзын қабырға төмен қисайған және үш қырлы кішкене қанжар тәрізді – оның кішкене қысқа қабырғасы горизантальды орналасқан. 12 қабырға кейде болмауы да мүмкін.

Қабырғалар – costae – жіңішке, иілгіш табақшалар. Артқы ұзындау бөлігі ұзын кеуекті сүйектерге жататын сүйектен – os costales, алдыңғы қысқалау бөлігі шеміршектен - cartilago costalis тұрады.

Құрылысы: сүйектік бөлікте басы – caput costae, жіңішкерген жерінде – мойыны – collum costae, мойыны жалпақ және ұзын бөлігі – денесіне ауысады - corpus costae. Қабырға мойынының денеге өтер жерінде – қабырға бұрышы – angulus costae түзіледі. Осы жерге сәйкес кеуде омыртқаларының көлденең өсіндісіндегі қабырғалық шұңқырмен буындасатын буындық беті бар – қабырға төмпешігі – tuberculum costae - орналасады.

II-XII қабырғалардың сыртқы, ішкі беттерін және жоғарғы, төменгі жиектерін ажыратамыз. Қабырғаның ішкі бетінің төменгі жиегінде қан тамырлар мен жүйкелер іздерінің орны – қабырға жүлгесі –sulcus costae бар.

Ал, бірінші қабырғаның жоғарғы және төменгі беттері, сыртқы, ішкі жиектері бар. Денесінің жоғарғы бетінде алдыңғы сатылы бұлшықеттің төмпешігі – tuberculum musculi scaleneus anterior орналасқан. Осы төмпешік бұғана асты тамыр жүлгесін – sulcus venae subclaviae – бұғанаасты артерия жүлгесінен – sulcus arteriae subclaviae бөліп тұрады. ХІ-ХІІ қабырғалардың мойыны, бұрышы, жүлгесі, төмпешігі және қабырға басының қырқасы болмайды.