Антисептика

1 2 3 4 5

Байланысты:
антисептика

Тотықтырғыштар

Сутегінің асқын тотығы –
сыртқы қолдануға арналған антисептикалық зат. 3% ерітіндісі іріңді жараларды жуып-шаюда, қансырауды тоқтатуда қолданылады; оның жағымсыз иісті кетіретін (дезодорациялық) және көбік түзетін айқын әсері бар. 6% ерітіндісі асептикада анаэробты микробтармен инфекциямен инфицирленген құрал-саймандарды өңдеуде пайдаланылады.
Калий перманганаты – сыртқы қолдануға арналған антисептикалық зат. 2-5% ерітінділері іріңді жараларды, күйіктерді емдеуде пайдаланылады. Дезодорациялық әсер көрсетеді, антианаэробты белсенділігі бар.

Хлоргексидин биглюконаты – сыртқы қолдануға арналған антисептикалық зат. 0,5% спирттік ерітіндісі хирургтың қолын, операциялық алаңды өңдеуде қолданылады.
Церигель – сыртқы қолдануға арналған антисептикалық зат. Қаптаушы (пленка түзуші) әсері бар.
Дегмин, дегмицид – сыртқы қолдануға арналған антисептикалық зат. Хирургтың қолын, операциялық алаңды өңдеуде пайдаланылады.

Фурациллин – сыртқы қолдануға арналған антисептикалық зат. Іріңді жараларды, шырышты қабаттардың инфекцияларын емдеуде пайдаланылады.
Лифузоль – құрамында фурациллин, линетол, қара май, ацетон бар. Сыртқы қолдануға арналған антисептикалық зат. Пленка ретінде жағылады.
Фурадонин, фурагин, фуразолидон – химиотерапиялық дәрілер немесе уросептиктер. Несеп шығару жолдарының инфекцияларын емдеуде қоланылады.

Нитроксолин (5-НОК) – химиотерапиялық дәрі, уросептик.
Энтеросептол, интестопан – ішек инфекцияларында қолданылатын, химиотерапевттік заттар.

Диоксидин – 0,1-1% сулы ерітінділері іріңді жараларды, сірлі (серозды) қуыстарды, жыланкөздерді емдеуде қолданылады.

Достарыңызбен бөлісу:

1 2 3 4 5