Өзектілік. Киноөнер өскелең ұрпақтың адамгершілік дамуы мен
тәрбиесінде маңызды рөл атқарады. Балалар мен жасөспірімдердің өмірлік
құндылықтары теледидардан көргендердің негізінде құрдастарының пікірімен
бірдей қалыптасады. Сонымен қатар, киноөнер адамгершілікті, патриотизмді
тәрбиелеудегі заманауи құрал ретінде, сондай-ақ, өз елінің тарихы мен
мәдениетін өскелең ұрпақтың ғана емес, ересектердің де қызығушылығын
арттыру үшін пайдаланылуы мүмкін. Бұл ретте, қазақстандықтардың отандық
тарихи фильмдерге деген қызығушылығын арттыру елдегі киноиндустрияны
одан әрі дамытуға түрткі болуы мүмкін. Негізгі мақсат барлық білім беру ұйымдары мен еңбек ұжымдарында,
сондай-ақ аудандар мен ауылдарда тарихи, ұлттық кинофильмдерді,
анимациялық «кино апталығы» фильмдерін көрсету «Рухани жаңғыру»
бағдарламасының негізгі бағыттарын іске асырудың салмақты құралдарының
бірі болуға мүмкіндік береді. Атап айтқанда, рухани және мәдени байыту,
тарихи оқиғалар мен жетістіктерді экрандау – ұлттық бірегейлікті сақтау,
анимациялық фильмдерде қазақстандық табиғат пен ежелгі мәдени
ескерткіштерді көрсету жолымен «Қазақстанның киелі жерлерінің
географиясы» арнайы жобасының дамуына үлес қосу.
